Саннар 23:1—30
23 Аннары Билья́м Балакка: «Бу җирдә җиде мәзбәх төзе+ һәм минем өчен җиде үгез һәм җиде сарык тәкәсе әзерлә»,— диде.
2 Бала́к шунда ук Бильям әйткәнчә эшләде. Балак һәм Бильям һәр мәзбәхтә корбанга үгез һәм сарык тәкәсе китерде.+
3 Аннары Бильям Балакка: «Монда, яндыру корбаның янында кал, ә мин китеп торырмын. Бәлки, Йәһвә минем белән сөйләшер. Ул әйткәнне мин сиңа сөйләрмен»,— диде. Һәм ул калкулык башына китте.
4 Шунда Аллаһы Бильямга күренде.+ Бильям аңа: «Мин җиде мәзбәх әзерләп куйдым һәм һәр мәзбәхтә корбанга үгез һәм сарык тәкәсе китердем»,— диде.
5 Шунда Йәһвә сөйлисе сүзләрне белдереп, Бильямга:+ «Балак янына бар һәм менә нәрсә әйт»,— диде.
6 Бильям кире килде һәм Балак белән Моабның бөтен мирзаларының аның яндыру корбаны янында торганын күрде.
7 Шунда ул мондый хәбәр әйтте:+
«Моа́б патшасы Балак мине Арамнан,+Көнчыгыш тауларыннан китерде.
„Кил, миңа Ягъкубны каһәрләп бир.
Әйе, Исраилне хөкем итәр өчен кил“+,— диде.
8 Ничек инде мин Аллаһы каһәрләмәгән кешеләрне каһәрлим?
Ничек инде мин Йәһвә хөкем итмәгәннәрне хөкем итим?+
9 Кыялар башыннан мин аларны күрәм,Калкулыклардан аларга күз салам.
Анда алар халык буларак үзләре генә яши,+Алар үзләрен башка халыклар рәтенә кертми.+
10 Ягъкубның тузан бөртекләредәй күп кешеләрен кем санап чыга ала?+
Исраилнең дүрттән бер өлешен булса да кем исәпли ала?
Тугрылар үлеме белән үлсәм* иде,Ахырым аларныкы кебек булса иде».
11 Шунда Балак Бильямга: «Нишләвең бу? Мин сине дошманнарымны ләгънәтләргә дип китердем, ә син аларга фатихалар яудырасың»+,— диде.
12 «Мин Йәһвә кушканны гына сөйләргә тиеш түгелме?» — дип җавап бирде ул.+
13 Балак аңа: «Әйдә әле минем белән икенче бер урынга барыйк. Анда син аларның бөтенесен түгел, ә өлешен генә күрерсең. Шуннан аларны миңа каһәрләп бир»+,— диде.
14 Шунда ул аны Сәфи́м кырына Пәсгә́х башына+ алып китте һәм анда җиде мәзбәх төзеп, һәрберсендә үгез һәм сарык тәкәсе корбан итеп китерде.+
15 Бильям Балакка: «Монда, яндыру корбаның янында кал, ә мин тегендә Аллаһы белән сөйләшермен»,— диде.
16 Йәһвә Бильямга күренде һәм сөйлисе сүзләрне белдереп:+ «Балак янына бар һәм менә нәрсә әйт»,— диде.
17 Ул аның янына килеп, Балакның үзенең яндыру корбаны янында көтеп торганын һәм янында Моаб мирзаларының булганын күрде. Балак аңардан: «Йәһвә нәрсә дип әйтте?» — дип сорады.
18 Шунда ул мондый хәбәр әйтте:+
«Торып бас, Балак, һәм тыңла.
Сиппо́р улы, миңа колак сал.
19 Аллаһы кеше түгел, ул ялган сөйләми,+Адәм улы да түгел, үз фикерен үзгәртми.*+
Ул берәр нәрсә әйтсә, моны эшләмәсме?
Ул сөйләсә, үтәмәсме?+
20 Мин монда фатихалау өчен.
Менә, ул фатихалады,+ һәм мин моны үзгәртә алмыйм.+
21 Ул Ягъкубка каршы булган бернинди сихри көчне түзеп тормас,Исраилгә бернинди бәла-казаның килүенә юл куймас.
Аның Аллаһысы Йәһвә алар белән,+Алар аны патшалары итеп игълан итәләр.
22 Аллаһы аларны Мисырдан чыгара.+
Ул алар өчен кыргый үгезнең мөгезләре кебек.+
23 Чөнки Ягъкубның һәлак булачагына галәмәтләр юк.+
Исраилгә каршы бернинди күрәзәлек юк.+
Хәзер Ягъкуб һәм Исраил турында:
„Аллаһы менә нәрсә эшләде!“ — дип әйтеп була.
24 Менә халык, ул арыслан кебек торып басар,Арысландай күтәрелер.+
Ул корбанны ашап бетермичә,
Үтерелгәннәрнең канын эчеп бетермичә ятмас».
25 Шунда Балак Бильямга әйтте: «Аны каһәрли алмыйсың икән, ичмасам, фатихалама».
26 Бильям Балакка: «Мин сиңа „Йәһвә әйткәнне генә эшлим“ дип әйтмәдеммени?» — диде.+
27 Балак Бильямга: «Әйдә мин сине тагын бер урынга алып барыйм. Бәлки, шул җирдән миңа аны каһәрләп бирүеңне хак Аллаһы хуп күрер»,— диде.+
28 Шунда Балак Бильямны Ишимонга*+ таба караган Пигу́р башына алып китте.
29 Шунда Бильям Балакка: «Бу җирдә җиде мәзбәх төзе һәм минем өчен җиде үгез һәм җиде сарык тәкәсе әзерлә»+,— диде.
30 Балак нәкъ Бильям әйткәнчә эшләде, һәм ул һәр мәзбәхтә үгез һәм сарык тәкәсе китерде.