Саннар 24:1—25
24 Йәһвәгә Исраилне фатихалау ошый икәнен күргәч, Билья́м һәлакәт галәмәтләрен эзләргә бүтән бармады,+ ә йөзе белән чүлгә таба борылды.
2 Бильям күзләрен күтәреп, Исраилнең үз кабиләләре буенча корган чатырларын күргәч,+ аңа Аллаһы рухы иңде.+
3 Шунда ул мондый хәбәр әйтте:+
«Бигу́р улы Бильямның сүзләре,Күзләре ачык кешенең сүзләре,
4 Аллаһының сүзен ишеткән,Чиксез Кодрәт Иясеннән күренеш күргән,Күзләре ачык килеш бөгелеп төшкән кешенең сүзләре шундый:+
5 Нинди матур синең чатырларың, и Ягъкуб,
Синең тору урыннарың, и Исраи́л!+
6 Алар үзәннәр* кебек,Елга буендагы бакчалар кебек,Йәһвә утырткан алоэ агачлары кебек,Сулар буендагы эрбет агачлары кебек җәелеп ята.+
7 Аның ике күн чиләгеннән су тамып тора,Аның орлыгы* күп сулар янында чәчелә.+
Аның патшасы+ да Агактан бөегрәк булыр,+Патшалыгы югары күтәрелер.+
8 Аллаһы аны Мисырдан алып чыга.
Ул алар өчен кыр үгезенең мөгезләре кебек,Ул халыкларны, аның җәберләүчеләрен юк итәр,+Ул аларның сөякләрен кимерер, уклары белән аларны челпәрәмә китерер.
9 Ул җиргә сузылып ятты, арыслан кебек ятты.
Ул арысландай икән, кем аны йокыдан уятырга батырчылык итәр?
Сине фатихалаганнар фатихалана,Ә сине каһәрләгәннәр каһәрләнә».+
10 Шунда Бала́к Бильямга бик каты ярсыды. Балак мыскыллап кул чапты һәм Бильямга болай диде: «Мин сине дошманнарымны ләгънәт итәргә чакырдым,+ ә син аларга инде өч тапкыр фатиха яудырдың.
11 Бар, өеңә кайтып кит. Мин сине олыларга теләгән идем,+ әмма, менә, Йәһвә сине хөрмәттән мәхрүм итте».
12 Бильям Балакка мондый җавап кайтарды: «Җибәргән кешеләреңә мин болай дип әйткән идем бит:
13 „Балак миңа үзенең көмеш һәм алтын тулы йортын бирергә булса да, мин үз ихтыярым буенча,* Йәһвәнең боерыгыннан башка, яхшыны да, яманны да эшли алмыйм. Мин Йәһвә әйткәнне генә сөйләрмен“.+
14 Хәзер мин үз халкым янына китәм. Кил, һәм мин сиңа бу халыкның синең халкың белән киләчәктә* нәрсә эшләячәген сөйләрмен».
15 Шунда ул мондый хәбәр әйтте:+
«Бигур улы Бильямның сүзләре,Күзләре ачык кешенең сүзләре,+
16 Аллаһының сүзен ишеткән,Аллаһы Тәгалә биргән белеме булган,Күзләре ачык килеш бөгелеп төшкәндәЧиксез Кодрәт Иясеннән күренеш күргән кешенең сүзләре мондый:
17 Мин аны күрермен, ләкин хәзер түгел,Мин аны күзәтермен, ләкин тиздән түгел.
Ягъкубтан йолдыз+ чыгар,Исраилдән скипетр+ күтәрелер.+
Ул, һичшиксез, Моабның маңгаен*Һәм бөтен сугышчан улларның баш сөяген бәреп ярыр.+
18 Исраил үз батырлыгын күрсәткәндә,Эдо́м аның биләмәсе булып китәр,+Әйе, Сәгы́йр+ үз дошманнарының биләмәсе булып китәр.+
19 Ягъкубтан чыккан берәү яулаучы булыр,+
Һәм ул шәһәрдә исән калганнарны юк итәр».
20 Амаликны күргәч, ул хәбәрен болай дип дәвам итте:
«Амали́к халыкларның беренчесе иде,+Ләкин ахырда ул юкка чыгар».+
21 Кәйнилеләрне+ күргәч, ул үз хәбәрен дәвам итте:
«Синең тору урының ышанычлы, йортың кыя өстенә салынган.
22 Ләкин берәү кәйнилеләрне* яндырып бетерәчәк.
Ассирия сине әсирлеккә алып киткәнчегә кадәр күпме вакыт калган?»
23 Һәм ул үз хәбәрен дәвам итте:
«Кайгы! Аллаһы моны эшләгәч, кем исән калыр?
24 Кораблар Китти́м+ ярыннан килер,Һәм алар Ассирияне+ буйсындырыр,Иберне дә буйсындырыр.
Ләкин ул да, һичшиксез, юкка чыгар».
25 Аннары Бильям+ торды да үз юлы белән китте. Балак та үз юлы белән китеп барды.
Искәрмәләр
^ Яки «елга үзәннәре».
^ Яки «токымы».
^ Сүзгә-сүз «йөрәгемнән чыкканны».
^ Яки «көннәрнең ахырында».
^ Яки «чигәләрен».
^ Сүзгә-сүз «Каинне».