Һошия 12:1—14
12 «Ифраи́м җил белән туклана.
Көнчыгыш җиле артыннан көне буе чабып йөри.
Ул ялган белән җәбер-золымны ишәйтә.
Алар Ассирия белән килешү төзи+ һәм Мисырга май ташый.+
2 Йәһвәнең Яһүдкә каршы хөкем эше бар.+
Ул Ягъкубны йөргән юлларына карап җавапка тартыр,Эшләренә карап җәза бирер.+
3 Анасы карынында ул үз абыйсын үкчәсеннән тотты,+Бар көчен куеп Аллаһы белән көрәште.+
4 Ул фәрештә белән көрәште һәм аны җиңде.
Үкереп елый-елый аңардан илтифат күрсәтүен үтенде».+
Аллаһы аны Бәйтелдә тапты һәм шунда безнең белән сөйләште.+
5 Ул — Йәһвә, Гаскәрләр Иясе.+
Йәһвә — аның истәлекле исеме.*+
6 «Шуңа күрә Аллаһыңа кире кайт,+Тугры мәхәббәт белән гаделлекне сакла,+Аллаһыңа һәрвакыт өметләнеп тор.
7 Әмма сатучы кулында ялган үлчәү.
Ул алдарга ярата.+
8 Ифраим: „Әйе, мин баедым;+Мал-мөлкәт җыйдым.+
Тырышып башкарган эшләремдә бер хата да, гөнаһ та тапмаслар“,— дип әйтеп тора.
9 Мисырда булган чагыңнан алып мин — синең Аллаһың Йәһвә.+
Билгеләнгән вакытта* булган кебек,Мин сине кабат чатырларда яшәтермен.
10 Мин пәйгамбәрләр белән сөйләштем,+Аларның күренешләрен ишәйттем,Мин пәйгамбәрләр аша гыйбрәтле сүзләр сөйләдем.
11 Гиладта алдау* һәм ялган хөкем сөрә.+
Гилгәлдә алар үгезләрне корбанга китерә,+Мәзбәхләре сөрелгән басудагы таш өемнәре кебек.+
12 Ягъкуб Ара́м* җиренә качып китте.+
Исраил+ шунда үзенә хатын алыр өчен хезмәт итте,+Хатын алыр өчен сарыклар көтте.+
13 Йәһвә Исраилне бер пәйгамбәр ярдәмендә Мисырдан алып чыкты,+Бер пәйгамбәр аша аны саклап торды.+
14 Ифраим Аллаһының күңелен бик нык рәнҗетте.+
Кан кою гаебе әле дә аның өстендә кала.
Хуҗасы аңа үзен мәсхәрә иткәне өчен тиешлесен кайтарыр».+
Искәрмәләр
^ Яки «аны шул исем белән истә тоталар».
^ Я, бәлки, «Бәйрәм вакытында».
^ Яки «сихри нәрсә».
^ Яки «Сурия».