Һошия 4:1—19
4 И Исраи́л уллары, Йәһвә сүзен тыңлагыз.
Йәһвәнең бу җирдә яшәүче халыкка каршы хөкем эше бар,+Чөнки бу җирдә хакыйкать тә, тугры мәхәббәт тә, Аллаһы турында белем дә юк.+
2 Ялган антлар бирү, алдау,+ үтерү,+Урлау һәм зина кылу+ киң таралган.
Кан кою артыннан кан кою!+
3 Менә ни өчен бу җир кайгы-хәсрәт кичерер,+Анда яшәүче һәркем һәлак ителер.
Кыргый хайваннар да, күкләрдәге кошлар да,Хәтта диңгездәге балыклар да юк ителер.
4 «Әмма халкың белән һичкем дә бәхәсләшмәсен, аны һичкем дә шелтәләмәсен,+Чөнки халкың рухани белән бәхәсләшүчегә охшаш.+
5 Шуңа күрә син көпә-көндез абынырсың,Пәйгамбәр дә синең белән бергә төнлә йөргәндәй абыныр,Анаңны дәшми торган хатын итәрмен.*
6 Минем халкым, мине белмәгәнгә, дәшми торган халык булыр.*
Син белемне кире кактың,+Шуңа күрә мин дә сине кире кагармын: руханием булып хезмәт итмәссең.
Син Аллаһыңның канунын* онытканга,+Мин дә синең улларыңны онытырмын.
7 Алар ишәйгән саен миңа каршы күбрәк гөнаһ кылып торды.+
Мин аларның даннарын хурлыкка әйләндерермен.*
8 Алар халкымның гөнаһлары белән туклана,Аларның хаталарына комсызланып карый.*
9 Халык та, рухани да бер үк нәрсәгә дучар булыр.
Аларны юлларына карап җавапка тартырмын,Эшләренә карап җәзасын бирермен.+
10 Алар ашар, ләкин туймас.+
Азгынлыкка бирелер, ләкин ишәймәс.+
Чөнки алар Йәһвәне ихтирам итмәде.
11 Фәхешлек, иске һәм яңа шәраб
Дөрес булганны эшләү теләген урлый.*+
12 Халкым үзенең агач потлары белән киңәшләшә,Үзенең таягы* әйткәнне үти,Чөнки фәхешлек рухы аларны юлдан яздыра,Һәм алар фәхешлек аркасында Аллаһыга буйсынмый.
13 Алар тау башларында корбан китерә+Һәм калкулыклар өстендә,Имәннәр, стиракс агачлары һәм һәр зур агач астында корбаннар төтәтә,+Чөнки бу агачлар яхшы күләгә бирә.
Шунлыктан кызларыгыз фахишәлек кыла,Киленнәрегез зина кыла.
14 Мин кызларыгызны — фахишәлекләре өчен,Киленнәрегезне зина кылулары өчен җавапка тартмам.
Ир-атлар да бит фахишәләрне аулакка алып китә,Гыйбадәтханәнең фахишәләре белән корбан китерә.
Аңлау сәләтләре булмаган+ андый кешеләр һәлак ителер.
15 И Исраил, син фәхешлек кылып йөрсәң дә,+Яһүд андый гөнаһта гаепле булмасын.+
Гилгәлгә дә,+ Бәйтәбенгә дә барма,+„Йәһвә белән ант итәм!“+ — дип ант итәсе булма.
16 Исраил кире беткән сыер кебек кире беткән.+
Әллә хәзер Йәһвә аларны, яшь сарыкны көткәндәй, иркен көтүлектә көтәрме?
17 Ифраи́м потларга ябышты.+
Йөрсен үз юлында!
18 Сыралары* беткәч,Алар азгынлыкка бирелә.
Идарәчеләре* оятсыз нәрсәләрне өзелеп ярата.+
19 Җил аны үз канатларында очыртып алып китәр,Һәм алар үз корбаннары аркасында оятка калыр».
Искәрмәләр
^ Яки «һәлак итәрмен».
^ Яки «һәлак ителер».
^ Яки «күрсәтмәсен».
^ Я, бәлки, «Алар минем данымны хурлыкка әйләндерде».
^ Сүзгә-сүз «Йөрәкне ала».
^ Яки «Күрәзәченең таягы».
^ Яки «Бодайдан ясалган сыралары».
^ Сүзгә-сүз «Калканнары».