Һошия 5:1—15
5 «Сез, руханилар,+ тыңлагыз,И Исраи́л йорты, колак сал,И патшаның йорты, тыңла,Бу хөкем сүзе сезгә кагыла.
Чөнки сез — Миспәдәге тозак,Табу́р өстенә җәелгән ятьмә.+
2 Фетнәчеләр үтерә-үтерә туя алмый.
Мин аларның барысын кисәтеп торам.*
3 Мин Ифраимны беләм,Исраил дә миннән яшеренә алмый.
И Ифраи́м, син азгынлыкка баттың.
Исраил үзен нәҗесләде.+
4 Аларның эшләре үз Аллаһыларына кайтырга бирми,Чөнки алар арасында фәхешлек рухы хөкем сөрә.+
Йәһвәне дә алар танымый.
5 Исраилнең горурлыгы үзенә каршы шаһитлек бирде.+
Исраил дә, Ифраим да гөнаһлар кылып абынды.
Яһүд тә алар белән бергә абынды.+
6 Үзләренең вак һәм эре терлеге белән алар Йәһвәне эзләп йөрде,Әмма таба алмады.
Ул алардан ераклашты.+
7 Алар чит ил улларына ата булып,Йәһвәгә хыянәт итте.+
Хәзер аларны бер ай эчендә үз мал-мөлкәтләре* белән бергә йотарлар.
8 Гибәдә — мөгез һәм Рамада+ быргы кычкыртыгыз!+
Бәйтәбендә+ сугышка өндәп кычкырыгыз. И Биньями́н, без синең артыңнан барабыз!
9 И Ифраим, җәза көнендә син коточкыч нәрсә булып китәрсең.+
Мин Исраил кабиләләре арасында нәрсә буласын игълан иттем.
10 Яһүд мирзалары биләмә чикләрен күчерүчеләргә охшаш.+
Мин аларның өсләренә ярсуымны судай коярмын.
11 Үз дошманына үзсүзләнеп ияреп барганга,+Ифраим хөкем ителгән, җәберләнгән, изелгән.
12 Мин Ифраим өчен — көя кебек,Яһүд йорты өчен черек сыман булдым.
13 Ифраим — үз чирен, ә Яһүд үз җәрәхәтен күргәч,Ифраим Ассириягә китте+ һәм бөек патша артыннан хәбәрчеләр җибәрде.
Шулай да ул сезне савыктыра алмады,Җәрәхәтегезне дә дәвалый алмады.
14 Мин Ифраим өчен — яшь арыслан сыман,Яһүд йорты өчен көчле арыслан шикелле булырмын.
Мин аларны үзем ботарлармын да китәрмен,+Аларны чыгарып ташлармын. Аларны һичкем коткара алмас.+
15 Китеп үз урыныма кайтырмын һәм, алар үз гаепләре аркасында тиешлесен татыганчы, шунда булырмын.
Ул вакытта алар хуплавымны эзләр.+
Газап чиккәндә, алар мине эзләр».+