Һошия 8:1—14
8 «Мөгез быргыңны кычкырт!+
Алар килешүемне бозды+ һәм канунымны тотмады,+Шуңа күрә дошман Йәһвә йортына каршы бөркеттәй ябырыла.+
2 Алар миңа: „И Аллаһыбыз! Без, исраиллеләр, сине беләбез“,— дип кычкыра.+
3 Исраи́л яхшы булганны кире какты.+
Аны дошман эзәрлекләсен.
4 Алар миннән хуплау сорамыйча патшалар куйды,Ризалыгымны алмыйча мирзалар билгеләде.
Үзләрен һәлакәткә дучар итеп,+Үз алтын-көмешләреннән потлар ясады.+
5 И Сама́рия, мин синең бозау сыныңны кире кактым.+
Мин аларга ярсыдым.+
Күпме инде алар үзләрен сафландырмый торыр?
6 Чөнки бу бозау сыны Исраилдән чыкты.
Аны һөнәрче ясады, ул Аллаһы түгел.
Сама́рия бозавын челпәрәмә китерерләр.
7 Алар җил чәчеп йөриләр,Көчле давыл урырлар.+
Бер башак та өлгергән ашлык бөртеге бирми,+Бер үсенте дә он бирми.
Аларның берәрсе нәрсә дә булса бирсә дә, аны чит кешеләр йотар.+
8 Исраилне дошман йотар.+
Алар халыклар арасында+Кирәкмәгән савыт кебек булыр.
9 Чөнки алар ялгыз кыргый ишәк сыман Ассириягә барды.+
Ифраи́м үзенә сөяркәләр яллады.+
10 Алар сөяркәләрне башка халыклардан ялласа да,Мин аларны чолгап алырмын.
Патшалар белән мирзалар аларның өсләренә авыр йөк салыр, шуңа күрә алар газаплана башлар.+
11 Ифраим мәзбәхләрнең* санын арттырды һәм шулай итеп гөнаһ кылды.+
Алар аның гөнаһ кылу мәзбәхләре булып китте.+
12 Мин аңа күп кануннар* язып бирдем,Әмма алар шул кануннарга чит нәрсәгә караган кебек карады.+
13 Алар миңа корбаннар китереп ит ашады,Әмма бу бүләкләр Йәһвәне сөендермәде.+
Менә ул аларның гөнаһларын искә төшереп аларны җәзалар.+
Алар кире Мисырга таба борылды.*+
14 Исраил үз Яратучысын онытты+ һәм гыйбадәтханәләр төзеде,+Ә Яһүд ныгытылган шәһәрләрнең санын арттырды.+
Әмма мин аның шәһәрләренә ут җибәрермен,
Һәм ул һәр шәһәрнең манараларын йотар».+