Әюп 36:1—33
36 Илу́й шулай ук болай диде:
2 «Бераз сабыр бул, тагын сөйлим әле,Аллаһы хакына әйтер сүзем бар.
3 Белгәннәремне төптән сөйләп бирермен,Яратучымның тәкъвалыгы турында игълан итәрмен.+
4 Юк, сүзләрем ялган түгел,Монда белемнәре камил булган Берәү тора.+
5 Ходай кодрәтле+ һәм һичкемне кире какмый,Аның төшенүчәнлек көче бөек.
6 Ул явызның гомерен сакламас,+Ә мескеннәргә карата гадел булыр.+
7 Ул тәкъвалардан күзен алмый,+Аларны патшалар белән* тәхеткә утырта да,+ алар мәңгегә югарылана.
8 Аларга богаулар кидерсәләрҺәм кайгы-хәсрәт баулары бәйләсәләр,
9 Ул аларга кылган эшләрен ачыклый,Горурлыклары аркасында башкарган җинаятьләрен сөйли.
10 Колакларын ачып төзәтә,Яманлык эшләмәскә чакыра.+
11 Алар аңа буйсынса һәм хезмәт итсә,Көннәре ал да гөл булыр,Тормышлары канәгатьлек китерер.+
12 Ә инде буйсынмаса, алар кылычтан* һәлак булыр,+Бернәрсәгә өйрәнмичә үләр.
13 Имансыз* күңелле кешеләр ачу тотар.
Ул аларны тотып бәйләгәч тә, алар ярдәм сорап ялвармыйлар.
14 Алар* әле яшь чакта үләр,+Гомерләре гыйбадәтханә фахишләре арасында үтәр.*+
15 Ләкин мескеннәр газап чиккәндә, Аллаһы* аларны коткара,Кайгыга батсалар, аларның колакларын ача.
16 Ул сине бәла-казадан коткара,+Чикләре булмаган киң урынга китерә,+Юаныч итеп өстәл тулы ризык бирә.+
17 Хөкем карары чыгарылгач һәм гаделлек урнашкач,Син явызга чыгарылган хөкем карары белән канәгать булырсың.+
18 Тик кара аны, ачуың килгәнгә,+ кеше кайгысына сөенә* күрмә,Зур ришвәт сине юлдан яздырмасын.
19 Ярдәм сорап үтенүең,Зур тырышлыклар куюың сине газап чигүдән саклап калырмы?+
20 Кешеләр юк була торган вакытны,Төн килүен теләмә.
21 Сак бул, яман юлга баса күрмә,Газап күрү урынына андый юлны сайлама.+
22 Аллаһының кодрәте бөек бит,Аның кебек нәсыйхәтче бармы?
23 Берәрсенең аңа җитәкчелек биргәне*+Я: „Син дөрес эшләмәдең“,— дип әйткәне бармы?+
24 Аның эшләрен данларга онытма,+Шул эшләр турында кешеләр мәдхияләр җырлый.+
25 Аларны һәркемнең күргәне бар,Үлемле кеше аларга ерактан карый.
26 Әйе, Ходай акыл ирешмәслек бөек,+Яшәгән елларының саны башка сыймаслык.*+
27 Ул су тамчыларын күтәрә,+Алар томаннан оеша да яңгыр булып
28 Болытлардан ява,+Кешеләр өстенә коела.
29 Болыт катламнарын кем аңлый алсын?
Аның чатырыннан килгән күк күкрәүгә кем төшенә алсын?+
30 Кара, ничек ул аның өстен яшен белән яктырта+Һәм диңгез төбен каплый!
31 Болар ярдәмендә ул халыкларга булыша,*Аларга күп азык-төлек бирә.+
32 Ул үз кулында яшен тота,Аны үзе теләгән урынга юнәлтә.+
33 Күк күкрәве аның турында сөйли,Хәтта көтүләр дә кем* килгәнен белдерә.
Искәрмәләр
^ Я, бәлки, «Ул патшаларны».
^ Яки «сугыш коралыннан (сөңгедән)».
^ Яки «Мөртәт».
^ Яки «Аларның җаны».
^ Я, бәлки, «бетәр».
^ Сүзгә-сүз «ул».
^ Яки «сөенеп кул чаба».
^ Я, бәлки, «аны тәнкыйтьләгәне; аңардан хисап алганы».
^ Яки «аңлатылмаслык».
^ Я, бәлки, «халыкларның эшен яклый».
^ Я, бәлки, «нәрсә».