Беренче Елъязма 26:1—32
26 Менә капка сакчыларының+ төркемнәре: корахлылардан Аса́ф уллары арасыннан Кора́ улы Мәшилами́;+
2 Мәшиламинең уллары: беренчесе — Зәкәрия́, икенчесе — Ядәи́л, өченчесе — Зәбадия́, дүртенчесе — Ятнәи́л,
3 бишенчесе — Ила́м, алтынчысы — Йәһухәна́н, җиденчесе — Ильяһна́й;
4 Оби́д-эдомның уллары: беренчесе — Шемая́, икенчесе — Яһузаба́д, өченчесе — Йоха́к, дүртенчесе — Сака́р, бишенчесе — Нитани́л,
5 алтынчысы — Амаи́л, җиденчесе — Иссаха́р һәм сигезенчесе — Пулата́й. Аллаһы Обид-эдомны менә шулай итеп фатихалады.
6 Аның улы Шемаядан туган угыллар, гайрәтле һәм сәләтле кешеләр булганга, нәсел башлыклары иде.
7 Шемаяның уллары: Өтни́, Рафаи́л, Обид һәм Илзаба́д. Илзабадның туганнары Илу́й белән Сәмәкы́й дә сәләтле кешеләр иде.
8 Болар барысы да Обид-эдомның токымнары иде. Алар үзләре дә, уллары һәм кан кардәшләре дә — барлыгы 62 кеше — сәләтле һәм хезмәткә яраклы кешеләр иде.
9 Мәшиламинең+ уллары белән туганнары — барлыгы 18 кеше — сәләтле кешеләр иде.
10 Мерари́ токымыннан булган Хасаның уллары: нәсел башлыгы Шимри́ (ул беренче угыл булмаса да, атасы аны үз йортының нәсел башлыгы итеп билгеләде),
11 икенчесе — Хилкыя́, өченчесе — Тәбалия́х, дүртенчесе — Зәкәрия. Хасаның уллары белән туганнарының саны 13 кеше иде.
12 Шушы капка сакчылары төркемнәрендә җитәкчеләрнең, кан кардәшләренеке кебек үк, Йәһвә йортында хезмәт итүдә үз вазифалары бар иде.
13 Алар — зурысы да, кечесе дә — кайсы капкада кем хезмәт итәчәген билгеләү өчен жирәбә салдылар.+
14 Көнчыгыш як жирәбә буенча Шеламиягә чыкты. Улы Зәкәриягә исә — зирәк киңәшчегә — жирәбә буенча төньяк як чыкты.
15 Обид-эдомга — көньяк як, ә улларына+ амбарлар чыкты.
16 Шуппи́м белән Хасага+ югарыга таба сузылган зур юл буенда торган Шәлехә́т капкасы янындагы көнбатыш як чыкты. Сакчылар төркемнәре бер-берсенә янәшә торды.
17 Көнчыгыш якта — алты ле́виле, төньяк якта һәр көн — дүртәү, көньяк якта да һәр көн — дүртәү, ә амбарлар+ янында торган ике сакчы янында башка ике сакчы торды.
18 Көнбатыш якта, галерея* урнашкан җирдә, зур юл янында+ — дүртәү һәм галерея янында икәү билгеләнгән иде.
19 Болар корахлылардан һәм мерарилылардан булган капка сакчылары төркемнәре иде.
20 Ле́вилеләргә килгәндә, Ахия́ Аллаһы йортындагы хәзинәләр һәм изгеләндерелгән* әйберләр хәзинәләре өчен җаваплы иде.+
21 Лада́н токымнары, ягъни Ладан аша килеп чыккан гирсәнлеләр токымнары — гирсәнле Ладан нәселе башлыклары: Яһия́л+
22 һәм аның уллары Зәта́м белән Йәи́л. Алар Аллаһы йортындагы хәзинәләр өчен җаваплы иделәр.+
23 Амрамлылар, исһарлылар, хебрунлылар һәм узииллеләр токымыннан булган+
24 Муса улы Гирсәмнең токымы Шәбуи́л амбарлар өчен җаваплы иде.
25 Аның кан кардәшләре — Илгазәрнең+ токымнары: Рехаби́,+ Яшая́х, Йора́м, Зикри́ һәм Шиламу́т.
26 Шиламут белән аның кан кардәшләре Давыт патша,+ нәсел башлыклары,+ меңбашлары, йөзбашлары һәм гаскәр башлыклары изгеләндергән изге әйберләр+ сакланган бөтен хәзинәләр өчен
27 (сугышлардан+ кулга төшкән табышны+ алар Йәһвә йорты файдасына изгеләндергән иделәр),
28 шулай ук әүлия*+ Ишмуи́л, Киш улы Шау́л, Нәйи́р улы Абини́р+ һәм Сәруя́+ улы Йоһа́б+ изгеләндергән бөтен әйберләр өчен җаваплы иделәр. Кем дә булса берәр нинди әйберне изгеләндерсә, шул әйбер Шелами́т* белән аның кан кардәшләре карамагына тапшырыла иде.
29 Исһарлылар+ токымыннан Кинания́һ белән аның уллары, Исраилдә башлыклар, шулай ук хөкемчеләр+ буларак, дөньяви тормыштагы җитәкче вазифаларын үтәделәр.
30 Хебрунлылар+ токымыннан Хәшәби́ белән аның кан кардәшләре — 1 700 сәләтле кеше — Исраилнең Үрдүннең көнбатыш ягындагы җирләрендә Йәһвәгә һәм патшага хезмәт итү белән бәйле бөтен эшләрне алып бардылар.
31 Хебрунлылар токымыннан Ярия́х,+ нәсел шәҗәрәсе буенча, хебрунлылар нәселе башлыгы иде. Давыт патшаның идарә итүенең 40 нчы елында+ хебрунлылар арасыннан гайрәтле, сәләтле кешеләрне эзләгәндә, андый кешеләр Язердәге+ Гиладта табылды.
32 Нәсел башлыклары булган кан кардәшләренең саны 2 700 сәләтле кеше иде. Давыт патша аларны рубинлылар, гәдлеләр, шулай ук манашшелылар кабиләсенең яртысы өстеннән Аллаһының һәм патшаның бөтен эшләрен алып барыр өчен билгеләде.
Искәрмәләр
^ Ябулы итеп эшләнгән коллонналы мәйдан.
^ Яки «багышланган».
^ Әүлия — нәрсә буласын алдан күреп әйтеп бирүче кеше.
^ 25, 26 нчы шигырьләрдәге Шиламут.