Яхъяга бирелгән Ачылыш 22:1—21
22 Шунда ул миңа Аллаһының һәм Бәрәннең+ тәхетеннән агып чыккан, бәллүрдәй чиста тормыш суы елгасын+ күрсәтте.
2 Ул елга зур урамның уртасыннан ага. Елга ярларының икесендә дә елына 12 тапкыр, һәр айны, җимеш бирүче тормыш агачлары бар. Агачларның яфраклары халыкларны савыктыру өчен иде.+
3 Шәһәрдә ләгънәт ителгән бер нәрсә дә инде булмаячак. Анда Аллаһының һәм Бәрәннең+ тәхете торачак, һәм Аллаһының хезмәтчеләре аңа изге хезмәт башкарачак.
4 Алар аның йөзен күрәчәк,+ һәм аның исеме аларның маңгайларына язып куелган булачак.+
5 Төн инде булмаячак.+ Йәһвә* Аллаһы аларга яктылык биреп торганга, аларга яктырткыч та, кояш яктылыгы да инде кирәк булмаячак.+ Алар мәңге патшалар булып идарә итәчәк.+
6 Фәрештә миңа болай дип әйтте: «Бу сүзләр ышанычлы һәм хак.+ Әйе, пәйгамбәрләргә сүзләр иңдерүче+ Аллаһы — Йәһвә* — үз хезмәтчеләренә тиздән булачак нәрсәләрне күрсәтер өчен, үз фәрештәсен җибәрде.
7 Менә! Мин тиздән киләчәкмен.+ Бу язма төргәкнең пәйгамбәрлек сүзләрен үтәүче һәркем бәхетле».+
8 Мин, Яхъя, боларны ишеттем һәм күрдем. Ишеткәч һәм күргәч, мин сәҗдә кылырга дип, боларны күрсәткән фәрештәнең аякларына егылдым,
9 ләкин ул миңа: «Алай эшләмә! Мин синең, пәйгамбәр кардәшләреңнең һәм бу төргәккә язылган сүзләрне үтәүчеләрнең хезмәттәше генә бит. Аллаһыга сәҗдә кыл»+,— диде.
10 Шуннан соң ул болай дип әйтте: «Бу төргәкнең пәйгамбәрлек сүзләрен яшермә, чөнки билгеләнгән вакыт якын.
11 Гаделсезлек кылучы гаделсезлек кылуын, бозыклык эшләүче бозыклык кылуын дәвам итсен, ә гадел эш итүче гаделлек кылуын, изгелек кылучы изгелек кылуын дәвам итсен.
12 „Менә! Мин тиздән киләм һәм һәркемгә әҗер бирәчәкмен. Һәркемгә эшләренә карап кайтарырмын.+
13 Мин — А́льфа һәм Оме́га,*+ беренче һәм соңгы, баш һәм ахыр.
14 Тормыш агачларының+ җимешләрен ашарга һәм капка+ аша шәһәргә керергә хаклары булсын өчен үзләренең озын киемнәрен юып куйганнар бәхетле.+
15 Ә этләр,* спиритизм* белән шөгыльләнүчеләр, фәхеш* кешеләр, үтерүчеләр, потка табынучылар, ялганны яратучы һәм ялганлап йөрүче+ һәркем шәһәрнең тышында“.
16 „Мин, Гайсә, болар турында сезгә шаһитлек бирергә дип җыелышлар хакына үз фәрештәмне җибәрдем. Мин — Давыт тамыры һәм токымы,+ якты таң йолдызы“».+
17 Рух та, шулай ук кәләш+ тә: «Кил!» — диләр. Моны ишетүчеләр дә: «Кил!» — дисеннәр.+ Сусаучылар килсеннәр, теләүчеләр тормыш суын бушлай алсыннар.+
18 «Бу пәйгамбәрлек төргәгенең сүзләрен ишетүче һәркемне кисәтәм: әгәр дә берәрсе боларга берәр нәрсә өстәсә,+ Аллаһы аңа бу төргәктә язылган бәла-казаларны өстәячәк;+
19 әгәр берәрсе бу пәйгамбәрлек төргәгенең сүзләреннән берәр нәрсәне алып куйса, Аллаһы бу төргәктә әйтелгәннәрдән аны мәхрүм итәчәк: аңа тормыш агачларыннан+ ашарга һәм изге шәһәргә+ керергә рөхсәт итмәячәк.
20 Моның барысын раслаучы: „Әйе, мин тиздән киләм“+,— дип әйтә».
«Амин! Кил, Хуҗабыз Гайсә».
21 Изгеләргә Хуҗабыз Гайсәнең юмарт игелеге күрсәтелсен.
Искәрмәләр
^ А5 кушымт. к.
^ А5 кушымт. к.
^ Яки «А һәм Я». Альфа һәм Омега гр. әлифбасының беренче һәм соңгы хәрефләре.
^ Ягъни Аллаһы карашыннан җирәнгеч булганны кылучы кешеләр.
^ Сүзлектән «Фәхешлек» к.
