Гыйбрәтле сүзләр 4:1—27
4 Улларым, ата тәрбиясен кабул итегез,+Төшенүчәнлеккә ия булыр өчен, игътибарлы булыгыз.
2 Мин сезгә файдалы күрсәтмәләр бирермен,Үгет-нәсыйхәтемне* кире какмагыз.+
3 Мин дә бит әтиемнең тыңлаучан улы идем,+Әниемнең иң яраткан баласы идем.+
4 Әтием мине болай дип өйрәтә торган иде: «Сүзләремне күңелеңә беркетеп куй.+
Әмерләремне үтәп, озак яшә.+
5 Зирәклеккә иреш, төшенүчәнлеккә омтыл.+
Әйткәннәремне онытма, алардан читкә тайпылма.
6 Зирәклекне калдырмасаң, ул сине саклап торыр.
Аны яратсаң, ул сине яклап торыр.
7 Иң мөһиме* — зирәклек,+ зирәклеккә иреш,Нәрсәгә генә ия булсаң да, төшенүчәнлеккә омтылырга онытма.+
8 Зирәклекнең кадерен бел, һәм ул сине югары күтәрер.+
Аңа сарыл, һәм ул сиңа дан китерер,+
9 Башыңны матур такыя белән бизәр,Сиңа гүзәллек таҗы кигезер».
10 Тыңла, улым, сүзләремне кабул ит,Шулчак гомерең озын булыр.+
11 Сине зирәклек юлыннан алып барырмын,+Намуслылык сукмагыннан җитәкләп йөртермен.+
12 Атлаганда, аякларыңа тоткарлык булмас,Йөгергәндә, абынмассың.
13 Тәрбиягә нык тотын, аны җибәрмә.+
Сакла аны, ул синең гомерең бит.+
14 Явызлар юлына аяк басма,Яман кешеләрнең сукмагыннан йөрмә.+
15 Кач андый юлдан, аннан барма,+Читкә кит, аны читләтеп үт.+
16 Алар бит яманлык кылмыйча йоклый алмый.
Берәрсен аяктан ега алмаса, йокылары кача.
17 Алар явызлык икмәге белән туклана,Җәбер-золым шәрабын эчә.
18 Тәкъвалар юлы исә таң яктысы сыман:
Көн яктысы җиткәнче, яктырганнан-яктыра бара.+
19 Ә явызларның юлы дөм караңгылык сыман:
Нәрсәгә абынганнарын белмиләр.
20 Улым, сүзләремә игътибар ит,Әйткәннәремә колак сал.
21 Аларны күздән ычкындырма,Йөрәк түрләреңдә сакла.+
22 Чөнки аларны тапкан кеше тормышка ия булыр,+Бөтен тәненә сихәт алыр.
23 Барыннан да бигрәк йөрәгеңне сакла,+Йөрәк — тормыш чыганагы бит.
24 Үзеңне ялганнан тый,+Телеңдә мәкерле сүзләр булмасын.
25 Күзләрең туп-туры карасын,Карашың* алга төбәлгән булсын.+
26 Аягың басасы сукмакны такыр ит,*+Шунда йөргән юлларың туры булыр.
27 Уңга да, сулга да тайпылма.+
Аягыңны яман нәрсәдән читкә бор.
Искәрмәләр
^ Яки «Канунымны».
^ Яки «яхшысы».
^ Яки «Нурлы күзләрең».
^ Я, бәлки, «җентекләп тикшер».