Гәләтиялеләргә 1:1—24
1 Бу хатны рәсүл итеп кешеләр тарафыннан да түгел, кеше аша да түгел, ә Гайсә Мәсих аша һәм аны үледән терелткән күктәге Атабыз Аллаһы тарафыннан билгеләнгән Пау́л+
2 һәм минем белән бергә барлык кардәшләр Гәлә́тиядәге җыелышларга яза.
3 Күктәге Атабыз Аллаһыдан һәм Хуҗабыз Гайсә Мәсихтән юмарт игелек һәм иминлек сезгә.
4 Күктәге Атабыз Аллаһы ихтыяры буенча,+ Гайсә безне хәзерге явыз дөнья төзелешеннән* коткарыр өчен+ һәм гөнаһларыбызны юк итәр өчен үзен бирде.+
5 Аллаһыга мәңге дан булсын. Амин.
6 Хәйран калам, чөнки сез үзегезне Мәсихнең юмарт игелеге аша Чакыручыдан шундый тиз читкә китеп, башка төрле яхшы хәбәргә колак сала башлагансыз.+
7 Шулай да башка төрле яхшы хәбәр юк, ә сезгә кыенлыклар тудыручылар+ һәм Мәсих турындагы яхшы хәбәрне бозарга теләүчеләр генә бар.
8 Ләкин берәрсе — хәтта без үзебез яки күктән фәрештә — без сезгә игълан иткән яхшы хәбәрдән тыш яхшы хәбәр итеп башка нәрсә игълан итсә, аңа ләгънәт төшсен.
9 Без сезгә әйткән идек инде, һәм хәзер кабатлап әйтәм: берәрсе сез кабул иткән яхшы хәбәрдән тыш яхшы хәбәр итеп башка нәрсә игълан итсә, аңа ләгънәт төшсен.
10 Чыннан да, мин хәзер кешеләрне инандырырга тырышаммы яки Аллаһынымы? Я кеше күңелен табарга телимме? Минем әле дә кеше күңелен табып яшисем килсә, мин Мәсих колы булмас идем.
11 Кардәшләр, шуны белегез: мин игълан иткән яхшы хәбәр кешенеке түгел,+
12 чөнки миңа аны кешеләр җиткермәде һәм өйрәтмәде, ә Гайсә Мәсих ачып бирде.
13 Сез минем яһүд динендәге элекке тәртибем турында, әлбәттә, ишеткәнсез.+ Ул чакта мин Аллаһы җыелышын аяусыз эзәрлекләдем, аны юк итәргә тырыштым,+
14 ә яһүд дине турында әйткәндә, күп кенә яһүд яшьтәшләремнән алга чыктым, чөнки ата-бабаларыбыздан килгән йолаларны тотуда күпкә ашкынучанрак идем.+
15 Әмма миңа туарга мөмкинлек биргән һәм үзенең юмарт игелеген күрсәтеп мине чакырган Аллаһы,+
16 мин аның Улы турындагы яхшы хәбәрне башка халыкларга игълан итсен өчен,+ мине куллануны яхшы дип тапкач, мин бер кеше белән дә киңәшләшеп тормадым.
17 Иерусалимга үземнән алдарак рәсүлләр булып киткәннәр янына да бармадым, ә Гарәбстанга киттем һәм шуннан соң яңадан Дәмәшекъкә кайттым.+
18 Аннары, өч ел үткәч, мин Кифа́с*+ янына кереп чыгар өчен Иерусалимга бардым+ һәм аның янында 15 көн булдым.
19 Ә башка рәсүлләрдән Хуҗабызның энесен Ягъкубны+ гына күрдем.
20 Аллаһы каршында әйтәм: минем сезгә язганнарым ялган түгел.
21 Шуннан соң мин Су́рия һәм Килики́я җирләренә киттем.+
22 Әмма Мәсих белән бердәмлектә торучы Яһүдиядәге җыелышларның мине күргәннәре юк иде.
23 Алар мондый хәбәр генә ишеткән иде: «Элек безне эзәрлекләгән кеше+ хәзер үзе кайчандыр юк итәргә тырышкан+ иман турындагы яхшы хәбәрне вәгазьләп йөри».
24 Шуңа күрә алар минем турында белгәч, Аллаһыны данлый башлаганнар.
