Зәбур 106:1—48
106 Йәһне* мактагыз!
Йәһвәгә рәхмәтләр белдерегез, чөнки ул игелекле,+
Аның тугры мәхәббәте мәңгелек.+
2 Йәһвәнең кодрәтле эшләрен тулысынча кем игълан итә ала?
Мактауга лаек бар эшләрен кем белдерә ала?+
3 Гаделлек белән эш итүче,Һәрвакыт тәкъва эшләр кылучы кешеләр бәхетле.+
4 И Йәһвә, халкыңа илтифат күрсәткәндә, мине исеңә төшер.+
Минем турында кайгырт һәм коткар мине.
5 Шулчак мин сайланганнарыңа кылган яхшылыгыңны күреп сөенер идем,+
Халкың белән бергә куаныр идем,Мирасың белән бергә сине горурланып мактар* идем.
6 Без, ата-бабаларыбыз кебек, гөнаһ кылдык,+Начарлык эшләдек, явызлык кылдык.+
7 Ата-бабаларыбыз Мисырда синең гаҗәеп эшләрең өчен рәхмәтле булмаган.*
Алар мул итеп күрсәткән тугры мәхәббәтеңне онытканҺәм диңгез — Кызыл диңгез буенда чуалыш китереп чыгарган.+
8 Әмма үзенең исеме хакына ул аларны+Үз кодрәтен башкаларга билгеле итәр өчен коткарган.+
9 Аның боерыгы* буенча Кызыл диңгез кипкән.
Ул аларны аның тирәнлекләреннән чүлдән алып баргандай алып барган.+
10 Ул аларны нәфрәт итүчеләре кулыннан коткарган,+Дошман кулыннан үзенә кайтарган.+
11 Сулар аларның дошманнарын каплаган,Берәү дә исән калмаган.+
12 Шунда алар аның вәгъдәсенә иман иткән,+Аны мактап җырлый башлаган.+
13 Ләкин алар аның кылган эшләрен бик тиз оныткан,+Аңардан җитәкчелек көтмәгән.
14 Алар чүлдә үз нәфесләренә* бирелгән,+Сахрада Аллаһыны сынаган.+
15 Ул аларга сораганнарын биргән,Әмма аларга аяктан егарлык чир җибәргән.+
16 Алар МусаданҺәм Йәһвәнең изге хезмәтчесе+ Һаруннан+ көнләшә башлаган.
17 Шунда җир, ачылып, Датанны йоткан,Абира́м янында җыелганнарны упкан.+
18 Аларның төркеме арасында ялкынлы ут кабынган,Ут ялкыны явызларны йоткан.+
19 Алар Хоребта бозау ясаганҺәм сынга* табынган,+
20 Минем данымныҮлән ашаган үгез сурәтенә алмаштырган.+
21 Алар Аллаһыны — үзләренең Коткаручысын оныткан.+
Ул Мисырда бөек эшләр кылган,+
22 Хам җирендә — гаҗәеп эшләр,+Кызыл диңгез буенда курку-хөрмәт уяткан эшләр башкарган.+
23 Ул аларны кырып бетерергә дип боерык бирергә җыенган,Әмма Муса — аның сайланган хезмәтчесе —Аңардан һәлакәтле ачуын басып калуын үтенгән.*+
24 Аларның гаҗәеп җирдән күңеле кайткан,+Алар аның вәгъдәсенә ышанмаган.+
25 Алар үз чатырларында зарланудан туктамаган,+Йәһвәнең авазын тыңламаган.+
26 Шунлыктан ул кулын күтәреп ант иткәнАларны чүлдә юк итәргә,+
27 Аларның токымнарын халыклар арасыннан юкка чыгарырга,Аларны башка җирләргә таратып җибәрергә.+
28 Аннары алар Пигу́р Багалына гыйбадәт кыла башлаган,+Җансыз нәрсәләргә китерелгән корбаннарны* ашаган.
29 Алар үз гамәлләре белән аның ачуын чыгарган,+Шунда алар кырыла башлаган.+
30 Ләкин Пинхә́с торып, кыю эш иткәч,Аларның кырылуы тукталган.+
31 Һәм моның өчен ул буыннан-буынга, мәңгегәТәкъва дип танылган.+
32 Алар Мәрибә́* сулары янында аның ачуын чыгарган,Һәм алар аркасында Муса аяныч хәлгә төшкән.+
33 Алар аның рухын ярсыткан,Һәм ул теле белән дуамал сүзләр әйткән.+
34 Йәһвә боерса да,+Алар халыкларны кырып бетермәгән,+
35 Ә халыклар белән кушылып китеп,+Аларның юлларын үзләштергән.+
36 Аларның потларына табынган,+Һәм бу алар өчен тозак булып киткән.+
37 Алар үз улларынҺәм үз кызларын җеннәргә корбан итеп китергән.+
38 Алар гаепсез кеше канын+ —Кәнга́н потларына корбанга китергән+Улларының һәм кызларының канын түккән.
Һәм җир йөзе кан коюдан нәҗесләнгән.
39 Алар үз гамәлләре аркасында нәҗес булып киткән,Эшләре белән аңа хыянәт иткән.*+
40 Шуңа Йәһвәнең үз халкына ачуы кабынган,Аның күңеле үз мирасыннан бизә башлаган.
41 Нәфрәт итүчеләре алар өстеннән хакимлек итсен өчен,+Ул күп тапкырлар аларны халыклар кулына тапшырган.+
42 Дошманнары аларны җәберләгәнҺәм үз хакимлегенә* буйсындырган.
43 Ул күп мәртәбәләр аларны коткарган,+Ләкин алар һаман баш күтәргән, буйсынмаган+Һәм үз җинаятьләре өчен түбәнсетелгән.+
44 Әмма ул аларның газап чигүләрен күргән+Һәм ярдәм сорап аваз салуларын ишеткән.+
45 Ул алар хакына үз килешүен исенә төшереп,Үзенең бөек* тугры мәхәббәте буенча кызгану хисе кичергән,*+
46 Аларны әсир иткән һәммәсенең күңелендәАларга карата кызгану хисе уяткан.+
47 И Йәһвә Аллаһыбыз, коткар безне,+Безне халыклар арасыннан җый,+Шулчак без синең изге исемеңә рәхмәтләр белдерер идек,Сине куанып мактар идек.+
48 Исраи́л Аллаһысы Йәһвә макталсын идеМәңгедән-мәңгегә.+
Бөтен халык «Амин!»* дисен.
Йәһне* мактагыз!
Искәрмәләр
^ Йәһвә исеменең кыска формасы.
^ Яки «синең белән мактаныр».
^ Яки «гаҗәеп эшләреңнең мәгънәсенә төшенмәгән».
^ Сүзгә-сүз «Аның шелтәсе».
^ Яки «эгоистик теләкләренә».
^ Яки «металл сынга».
^ Яки «Һәлакәтле ачуын басып калу өчен, аның алдында стена тишегенә баскандай баскан».
^ Ягъни үле кешеләргә я җансыз илаһларга китерелгән корбаннарны.
^ Мәгъ. «талашу».
^ Яки «рухи фәхешлек кылган», ягъни башка илаһларга хезмәт иткән.
^ Сүзгә-сүз «кулына».
^ Яки «юмарт».
^ Яки «үкенгән».
^ Яки «Шулай булсын!»
^ Йәһвә исеменең кыска формасы.
