Зәбур 146:1—10
146 Йәһне* мактагыз!+
Җаным Йәһвәне мактасын.+
2 Гомерем буе Йәһвәне мактармын.
Тере чагымда Аллаһыма мәдхияләр җырлармын.*
3 Түрәләргә дә, һичнинди адәм улына да таянма,
Чөнки алар коткара алмый.+
4 Рухы чыккач,* кеше кире туфракка кайта.+
Шул ук көнне аның уй-фикерләре юкка чыга.+
5 Ярдәмчесе — Ягъкуб Аллаһысы,+Өмете үз Аллаһысы Йәһвәдә булган кеше бәхетле.+
6 Күк белән җирне,Диңгезне һәм андагы бар нәрсәләрне Яратучы ул,+Ул һәрчак тугрылык саклый.+
7 Алданганнар хакына ул гаделлек кыла,Ачларга икмәк бирә.+
Йәһвә тоткыннарны* азат итә.+
8 Йәһвә сукырларның күзләрен ача.+
Йәһвә сыгылып төшкәннәрне торгыза.+
Йәһвә тәкъваларны ярата.
9 Йәһвә килмешәкләрне яклый,Әтисез ятимгә һәм тол хатынга ярдәм итә,+Ә явызларның ниятләрен тарката.*+
10 Йәһвә мәңге патшалык итәр,+И Сио́н, синең Аллаһың буыннан-буынга Патша булыр.
Йәһне* мактагыз!
Искәрмәләр
^ Йәһвә исеменең кыска формасы.
^ Яки «көй уйнармын».
^ Яки «Сулышы өзелгәч».
^ Сүзгә-сүз «бәйләп куелганнарны».
^ Яки «явызларның юлын кәкре итә».
^ Йәһвә исеменең кыска формасы.
