Зәбур 148:1—14
148 Йәһне* мактагыз!
Йәһвәне күктән мактагыз,+Югарыдан мактагыз аны.
2 Бар фәрештәләре, аны мактагыз.+
Бөтен гаскәриләре, аны мактагыз.+
3 Кояш һәм ай, аны мактагыз.
Балкып торган бөтен йолдызлар, аны мактагыз.+
4 Әй биек күкләр,* аны мактагыз,Һава өстендәге сулар, аны мактагыз.
5 Йәһвәнең исемен мактасыннар алар,Чөнки ул боерган, һәм алар барлыкка килгән.+
6 Ул аларны мәңгегә урнаштырган,+Алар өчен үзгәрмәс закон билгеләгән.+
7 Йәһвәне җирдән мактагыз,Әй диңгездәге зур җанварлар һәм барлык тирән сулар,
8 Яшен һәм боз, кар һәм куе болытлар,Аның сүзен үтәүче давыллы җил,+
9 Таулар һәм бөтен калкулыклар,+Җимеш агачлары һәм эрбет агачлары,+
10 Кыргый хайваннар+ һәм йорт хайваннары,Сөйрәлүчеләр һәм кошлар,
11 Җирдәге патшалар һәм барлык халыклар,Түрәләр һәм җирдәге барлык хөкемчеләр,+
12 Егетләр һәм кызлар,*Олы яшьтәгеләр һәм яшьләр.
13 Йәһвәнең исемен мактасыннар,Чөнки бары тик аның гына исеме ирешә алмаслык биек.+
Аның мәһабәтлеге җир белән күктән дә югарырак.+
14 Ул үз халкының көч-куәтен,*Тугры бәндәләренең —Үзенә якын булган халык Исраи́л улларының данын арттырыр.
Йәһне* мактагыз!
Искәрмәләр
^ Йәһвә исеменең кыска формасы.
^ Сүзгә-сүз «күкләрнең күкләре».
^ Сүзгә-сүз «гыйффәтле кызлар».
^ Сүзгә-сүз «мөгезен».
^ Йәһвә исеменең кыска формасы.
