Зәбур 22:1—31
Дирижер өчен: «Таң боланы»на* салынган. Давытның җыры.
22 Аллаһым, Аллаһым, нигә син мине калдырдың?+
Нишләп син ерак һәм мине коткармыйсың,Ачы тавыш белән кычкыруымны ишетмисең?+
2 Ходаем, көндезен сиңа ялварам, җавап бирмисең,+
Төнен дә мин тынмыйм.
3 Әмма син изге,+Исраилнең мактавына күмелгән.*
4 Ата-бабаларыбыз сиңа таянып яшәде,+Алар сиңа таянганга, син аларны коткарып тордың.+
5 Алар сиңа ялварып дәште һәм коткарылды.
Сиңа таянганга, аларның өметләре өзелмәде.*+
6 Кешеләр мине хурлый,* халык миңа җирәнеп карый,Әйтерсең лә мин кеше түгел, ә җир кортымын.+
7 Мине күрүче һәркем миннән мыскыллап көлә,+Алар көлемсерәп, башларын чайкап мәсхәрәли:+
8 «Ул үзен Йәһвәгә ышанып тапшырды. Коткарсын аны!
Әгәр ул аның өчен шулкадәр кадерле икән, азат итсен аны!»+
9 Син мине әнием карыныннан чыгардың,+Сабый чагымда син миңа иминлек бирдең.
10 Туганнан алып мин синең кайгыртуыңа тапшырылган,Әнием карыныннан ук син минем Аллаһым идең.
11 Миннән ерак торма, чөнки бәла якын,+Минем бүтән ярдәмчем юк бит.+
12 Яшь үгезләр өере мине чолгый,+Баша́н җиренең көчле үгезләре мине камый.+
13 Үкереп, үз корбанын ботарлаучы арыслан күк,+Алар миңа авызларын ачып, тешләрен ыржайта.+
14 Мин су шикелле түгеләм,Бөтен сөякләрем каймыкты.
Йөрәгем балавыздай булды,+Кыюлыгым эри эчемдә.+
15 Көчем чүлмәк кыйпылчыгы сыман кибеп бетте,+Телем аңкавыма ябыша.+
Син мине гүргә иңдерәсең.+
16 Дошманнарым мине этләр сыман чолгап ала,+
Алар мине явызлар өере кебек сырып ала,+
Арысландай, аяк-кулларыма ташлана.+
17 Мин бар сөякләремне санап чыга алам.+
Алар мине күз алмый күзәтә.
18 Алар өс киемемне бүлешә,Киемем өчен жирәбә сала.+
19 Ләкин син, и Йәһвә, миннән ерак торма.+
Син — минем көч-куәтем, миңа ярдәмгә ашык.+
20 Җанымны кылычтан сакла,Газиз гомеремне этләр тырнагыннан* коткар.+
21 Арыслан авызыннан+ һәм кыргый үгезләр мөгезеннән коткар мине.
Җавап бир миңа һәм коткар мине.
22 Синең исемеңне кардәшләремә игълан итәрмен,+Җыелышта сине мактармын.+
23 Йәһвәне тирән хөрмәт итүчеләр, аны мактагыз!
Ягъкубның бөтен нәселе,* аны данлагыз!+
Исраилнең бөтен нәселе,* аңа карата тирән ихтирамлы булыгыз.
24 Чөнки ул җәбер күрүченең газабына түбәнсетеп, җирәнеп карамады.+
Ул аңардан йөзен бормады.+
Ярдәм сорап аваз салган чагында аны ишетте.+
25 Мин сине зур җыелышта мактармын.+
Биргән вәгъдәләремне сине тирән хөрмәт итүчеләр алдында үтәрмен.
26 Юашлар ашап-эчеп, тук булыр,+Йәһвәне эзләүчеләр аны мактар.+
Аларның йөрәкләре мәңге типсен.
27 Бөтен җир йөзе Йәһвәне искә төшереп, аңа борылыр.
Халыкларның бөтен кабиләләре аңа сәҗдә кылыр.+
28 Чөнки Йәһвә — Патша,+Ул халыклар өстеннән идарә итә.
29 Майда йөзүчеләрнең барысы ашап-эчеп, сәҗдә кылыр,Җир куенына керәчәк һәркем аның алдында тез чүгәр.
Берсе дә үз җанын саклап кала алмас.
30 Аларның токымнары* аңа хезмәт итәр.
Киләсе буынга Йәһвә турында хәбәр ителер.
31 Алар, килеп, аның тәкъвалыгы турында сөйләр,Әле туачак халыкка аның эшләре хакында игълан итәр.
Искәрмәләр
^ Күрәсең, көй яки музыка стиле.
^ Яки «мактаулары арасында (өстеннән) тәхеттә утырасың».
^ Яки «алар оятка калмады».
^ Яки «Мин кешеләр өчен адәм мәсхәрәсе булдым».
^ Сүзгә-сүз «кулыннан».
^ Сүзгә-сүз орлык.
^ Сүзгә-сүз орлык.
^ Сүзгә-сүз орлык.
