Зәбур 24:1—10
-
Данлыклы патша капкадан керә
-
Җир — Йәһвәнеке (1)
-
Давытның мәдхиясе. Җыр.
24 Җир һәм җир йөзендәге бар нәрсә,Җир һәм анда яшәүчеләр — Йәһвәнеке.+
2 Ул җирне диңгезләр өстенә нык урнаштырган+Һәм елгалар өстенә нык беркеткән.
3 Йәһвәнең тавына кем менә ала?+
Аның изге урынына кем күтәрелә ала?
4 Эшләре тел тидергесез һәм йөрәге саф кеше,+Минем гомерем* белән ялган ант бирмәүчеҺәм алдап ант итмәүче кеше.+
5 Ул Йәһвәдән фатихалар алыр,+Коткаручысы Аллаһы күзендә тәкъва* дип табылыр.+
6 Бу — Аллаһыны эзләүчеләрнең,Синең хуплавыңны* эзләүчеләрнең буыны, и Ягъкуб Аллаһысы. (Села)
7 Капка башлары, күтәрелегез;+Борынгы ишекләр, ачылыгыз,*Данлыклы Патша керсен!+
8 Бу данлыклы Патша кем ул?
Кодрәтле һәм куәтле Йәһвә,+Сугышта тиңе булмаган Йәһвә.+
9 Капка башлары, күтәрелегез,+
Борынгы ишекләр, ачылыгыз,Данлыклы Патша керсен!
10 Бу данлыклы Патша кем ул?
Гаскәрләр Иясе Йәһвә, ул — данлыклы Патша.+ (Села)
Искәрмәләр
^ Яки «Минем җаным». Монда кешеләрнең Йәһвәнең гомере белән ант бирүе турында сүз бара.
^ Яки «гадел».
^ Яки «илтифатыңны».
^ Яки «күтәрелегез».
