Зәбур 25:1—22
Давытның мәдхиясе.
א [әлиф]
25 И Йәһвә, сиңа дәшәм* мин.
ב [бәт]
2 Ходаем, сиңа таянам мин,+
Оятка калмасам иде.+
Дошманнарым кайгыма шатланмасын.+
ג [гимел]
3 Сиңа өметләнүчеләрнең берсе дә оятка калмас,+Ләкин бер сәбәпсез мәкер коручыларны хурлык көтә.+
ד [дәлит]
4 И Йәһвә, миңа үз юлларыңны күрсәт,+Мине үз сукмакларыңнан йөрергә өйрәт.+
ה [хе]
5 Мине хакыйкать юлыңда йөрт һәм өйрәт,+Чөнки син Коткаручы Аллаһым.
ו [вав]
Мин һәрвакыт сиңа өметләнәм.
ז [зәйин]
6 И Йәһвә, һәрвакыт күрсәтә килгән*+Шәфкатеңне һәм тугры мәхәббәтеңне исеңә төшер.*+
ח [хет]
7 Яшьлегемдә кылган гөнаһларымны һәм җинаятьләремне искә алма.
Тугры мәхәббәтең буенча,+Мәрхәмәтең хакына мине искә төшер, и Йәһвә.+
ט [тет]
8 Йәһвә игелекле һәм намуслы,+Шуңа күрә ул гөнаһлыларны дөрес юлга күндерә.+
י [йод]
9 Ул юашларны дөрес юлдан* йөртер,+Юашларны үз юлына өйрәтер.+
כ [каф]
10 Килешүен+ һәм искә төшерүләрен+ тотучылар өченЙәһвәнең бөтен юллары тугры мәхәббәт һәм тугрылык белән тулы.
ל [ләмид]
11 Исемең хакына, и Йәһвә,+Кылган гөнаһым зур булса да, кичер.
מ [мем]
12 Йәһвәне тирән хөрмәт итүче кеше кем ул?+
Ул аны үзе сайлар юлга күндерер.+
נ [нун]
13 Ул Аллаһының игелеген татыр,+Һәм аның токымнары* җиргә ия булыр.+
ס [сәмих]
14 Йәһвәне тирән хөрмәт итүчеләр аның белән якын дуслыкка ия,+Һәм ул аларга үз килешүен белдерә.+
ע [әйин]
15 Күзләремне һәрчак Йәһвәгә юнәлтәм,+Чөнки ул минем аякларымны ятьмәдән коткарачак.+
פ [пе]
16 Миңа йөзеңне бор һәм илтифат кыл,Мин бит ялгыз, ярдәмгә мохтаҗ.
צ [тсаде]
17 Күңел кайгыларым күбәйде,+Газаплануымнан азат ит мине.
ר [реш]
18 Газап һәм бәла кичерүемне күр,+Бөтен гөнаһларымны ярлыкагыл.+
19 Кара, дошманнарым нихәтле күпҺәм нәфрәтләре никадәр ачы.
ש [шин]
20 Җанымны сакла һәм коткар мине.+
Миңа оятка калырга бирмә, чөнки синдә сыеныч таптым.
ת [тау]
21 Сафлыгым һәм намуслылыгым мине якласын иде,+Чөнки өметем — синдә бит.+
22 И Ходаем, Исраилне барлык кайгы-хәсрәтеннән коткар.*
Искәрмәләр
^ Яки «җанымны сиңа илтәм».
^ Яки «борынгы вакытлардан бирле күрсәтә килгән».
^ Яки «истә тот».
^ Сүзгә-сүз «хөкемнәр буенча».
^ Сүзгә-сүз «орлыклары».
^ Сүзгә-сүз «йолып ал».
