Зәбур 33:1—22
33 Әй тәкъвалар, Йәһвәнең кылган эшләренә куанып аваз салыгыз.+
Намуслыларга аны мактау килешә.
2 Йәһвәгә арфа уйнап рәхмәтләр белдерегез,Ун кыллы музыка коралында уйнап, аңа мәдхияләр җырлагыз.
3 Аңа яңа җыр җырлагыз,+Кылларны оста чиертеп, шатлыклы аваз салыгыз.
4 Чөнки Йәһвәнең сүзе хак,+Башкарган һәр эше ышанычка лаек.
5 Ул тәкъвалык белән гаделлекне ярата.+
Җир йөзе Йәһвәнең тугры мәхәббәте белән тулы.+
6 Йәһвәнең сүзе белән күкләр булдырылган,+Аның рухы* белән андагы һәрнәрсә* яратылган.
7 Ул диңгез суларын буа шикелле җыя,+Ярсулы суларны амбарларга туплый.
8 Бөтен җир Йәһвәне тирән хөрмәт итсен,+Җир йөзендә яшәүчеләр аңа курку-хөрмәт күрсәтсен.
9 Ул әйтте — һәм шулай булды,+Боерды — һәм нык урнашты.+
10 Йәһвә халыкларның ниятләрен җимерә,+Ул кешеләрнең уй-исәпләрен боза.+
11 Ә Йәһвәнең ниятләре — мәңгелек,+Күңелендәге уйлары — буыннан-буынга.
12 Аллаһысы Йәһвә булган халык бәхетле,+Ул үзенә милек итеп сайлап алган халык бәхетле.+
13 Йәһвә күктән түбәнгә карый,Ул адәм балаларының барысын да күреп тора.+
14 Яшәү урыныннанУл җирдә яшәүчеләрне күздән кичерә.
15 Ул һәркемнең йөрәген балчык савыт ясагандай ясый,Аларның бөтен эшләрен тикшерә.+
16 Патшаны — күпсанлы гаскәре,+Куәтле кешене бөек көче коткара алмый.+
17 Ат — котылу* өчен ялган өмет,+Аның зур көче коткару китермәс.
18 Менә, Йәһвәнең күзләре үзен тирән хөрмәт итүчеләрне,+Тугры мәхәббәтенә өмет баглаучыларны күзәтә.
19 Ул аларны* үлемнән коткарыр өчен,
Ачлык вакытында исән калдырыр өчен шулай эшли.+
20 Без Йәһвәне көтәбез.
Ул безнең ярдәмчебез һәм калканыбыз.+
21 Күңелләребез аңа бик сөенә,Чөнки без аның изге исеменә өметләнәбез.+
22 И Йәһвә, без сине көткән арада+Тугры мәхәббәтең безнең белән булсын иде.+