Зәбур 50:1—23
Асафның+ җыры.
50 Аллаларның Аллаһысы Йәһвә*+ әйтте,Ул җирне көнчыгыштан алыпКөнбатышка кадәр судка дәшә.
2 Матурлыгы тиңсез Сионнан+ Аллаһы балкый.
3 Аллаһыбыз килер һәм дәшми калмас.+
Аның алдында — йота торган ут,+Аның тирәли көчле давыл котыра.+
4 Үз халкын хөкем итәр өчен,+Ул күкләрне һәм җирне судка дәшеп:+
5 «Тугры хезмәтчеләремне,Корбан нигезендә минем белән килешү төзегән хезмәтчеләремне яныма җыегыз»+,— ди.
6 Күкләр аның тәкъвалыгын игълан итә,Чөнки Аллаһы ул — Хөкемче.+ (Села)
7 «И халкым, тыңла мине, мин сөйләрмен;Исраи́л, мин сиңа каршы шаһитлек итәрмен.+
Мин Аллаһы, синең Аллаһың.+
8 Мин сине корбаннарың өчен дә,Һәрвакыт минем алдымда булган тулаем яндыру корбаннарың өчен дә шелтәләмим.+
9 Миңа абзарларыңдагы үгез дә,Кәҗә тәкәләрең дә кирәк түгел.+
10 Чөнки урмандагы бар кыргый хайваннар да,Таулардагы бар җәнлекләр дә минеке.+
11 Мин таулардагы һәр кошны беләм,+Кырлардагы санап бетергесез хайваннар минеке.
12 Ач булсам да, мин сиңа әйтмәс идем,Чөнки җир һәм андагы һәрнәрсә минеке.+
13 Әллә мин үгез итен ашармынмыҺәм кәҗә канын эчәрменме?+
14 Аллаһыга корбан сыйфатында рәхмәтләрегезне белдерегез,+Ходай Тәгаләгә биргән вәгъдәләрегезне үтәгез.+
15 Кайгы-хәсрәт вакытында мине чакырыгыз.+
Мин сезне коткарырмын, һәм сез мине данларсыз».+
16 Ләкин Аллаһы явызларга болай дияр:
«Минем кануннарым турында+Яки килешүем турында сөйләргә ни хакыгыз бар?+
17 Сез бит тәрбияне* нәфрәт итәсез,Сүзләремне аяк астына салып таптыйсыз.+
18 Каракны күреп, аны хуплыйсыз,*+Хыянәтчеләр белән аралашасыз.
19 Авызыгызны яманлык таратыр өчен ачасыз,Телегездә — ялган.+
20 Сез үз туганыгызга каршы сөйләп утырасыз,+Үз әниегез улының хаталарын әйтеп саласыз.*
21 Сез боларны эшләгәндә, мин дәшми тордым,Шуңа сез мине үзегез кебек булыр дип уйладыгыз.
Ләкин хәзер мин, сезне фаш итеп,Сезгә каршы булган хөкем эшемне белдерәчәкмен.+
22 Әй Аллаһыны оныткан бәндәләр,+ моны игътибарга алыгызчы,Югыйсә мин сезне ботарлап ташлармын, һәм сезне коткаручы булмас.
23 Миңа корбан сыйфатында рәхмәтләр белдерүче кеше мине данлый.+
Тәкъвалык юлыннан тайпылмый йөрүче кешенеМин коткарырмын».+
Искәрмәләр
^ Яки «Илаһи Зат — Аллаһы Йәһвә».
^ Яки «өйрәтүне».
^ Я, бәлки, «аңа кушыласыз».
^ Яки «Үз әниегезнең улын каралыйсыз».