Зәбур 60:1—12
Дирижер өчен: «Шаһит лалә»гә* салынган. Микта́м.* Нәсыйхәт бирү өчен. Давытның Ара́м-наһараи́м һәм Арам-соба́ халкы белән сугышканнан соң, ә Йоһа́б, кайтып, Тозлы үзәндә 12 000 эдомлыны кырып салганнан соң язган мәдхиясе.+
60 И Аллаһы, син безне кире кактың, сафларыбызны җимердең.+
Синең безгә ачуың чыккан иде, ләкин хәзер безне кире кабул ит!
2 Син җирне тетрәттең, аны ярдың.
Аның җимерек урыннарын төзәт, чөнки ул ишелеп бара.
3 Син үз халкыңны михнәтләр кичерттең.
Шәраб эчертеп, безне айкалып-чайкалып йөрергә мәҗбүр иттең.+
4 Уклардан читкә тайпылып качар өчен,Үзеңне тирән хөрмәт итүчеләргә билге бир.* (Села)
5 Яратканнарыңны саклап калу өчен,Безне уң кулың белән коткар һәм безгә җавап бир.+
6 Изге* Аллаһы болай диде:
«Мин куанып сөенермен, Шехемне халкыма мирас итеп бирермен,+Сохкә́т үзәнен халкыма үлчәп бирермен.+
7 Гила́д та, Манашше́ да минеке,+Ифраи́м — башыма башлык,*Яһүд — идарәче таягым.+
8 Моа́б — юынгычым.+
Эдомга мин сандалымны ташлармын.+
Филистигә тантана белән кычкырырмын».+
9 Камаулы* шәһәрне яулап алырга миңа кем булышыр?
Кем мине Эдомга каршы алып барыр?+
10 Син түгелме соң, безне кире каккан Аллаһы,Гаскәрләребез белән бүтән чыкмаучы Аллаһыбыз?+
11 Бәлаләр кичергәндә безгә ярдәм ит,Чөнки кешеләрдән килгән котылу файдасыз ул.+
12 Аллаһы безгә көч бирер,+Ул дошманнарыбызны таптар.+
Искәрмәләр
^ Я, бәлки, «бирдең син».
^ Я, бәлки, «Изге урыныннан».
^ Сүзгә-сүз «ныгытма».
^ Я, бәлки, «Ныгытылган».
