Зәбур 69:1—36
Дирижер өчен: «Лаләләр»гә* салынган. Давытның мәдхиясе.
69 И Аллаһым, коткар мине, чөнки сулар гомеремә куркыныч тудыра.*+
2 Мин каты җире булмаган тирән сазлыкка баттым,+Тирән суларга кердем,Һәм ургылып аккан агым мине алып китте.+
3 Ярдәм сорап ялварудан интегеп беттем,+Тамагым карлыкты.
Аллаһыны көткән арада күзләрем начарланды.+
4 Мине бер сәбәпсез нәфрәт итүчеләр+Башымдагы чәч бөртекләремнән дә күбрәк.
Мине юк итәргә теләүчеләр —Мәкерле дошманнарым* күбәйде,Урламаганны кайтарырга мәҗбүр итәләр.
5 И Аллаһым, син минем ахмаклык эшләгәнемне беләсең,Гаебем дә синнән яшерен түгел.
6 И Аллаһы Тәгалә, Гаскәрләр Иясе Йәһвә,Сиңа өметләнүчеләр минем аркада оятка калмасын иде.
И Исраи́л Аллаһысы,Сине эзләүчеләр минем аркада кимсетелмәсен иде.
7 Мин синең өчен мәсхәрәгә дучар булам,+Йөземне хурлык каплый.+
8 Мин туганнарым өчен — ят кеше,Әнием улларына чит ил кешесе кебек булып киттем.+
9 Мин синең йортыңа карата ашкыну белән янып торам,+Сине хурлаучыларның хурлаулары минем өстемә ишелә.+
10 Ураза тотып, үземне басынкыландыргач,*Мине моның өчен хурладылар.
11 Матәм киемен үз киемем иткәч,Мин алар алдында адәм көлкесенә калдым.*
12 Шәһәр капкалары алдында утыручылар минем хакта сөйли,Эчкечеләр мине мыскыл итеп җырлар җырлый.
13 Әмма минем догам сиңа ирешсен,И Йәһвә, уңай вакытта ирешсен иде.+
Чиксез тугры мәхәббәтең буенча, и Аллаһым,Миңа җавап бир һәм чын коткаручы икәнлегеңне күрсәт.+
14 Баткаклыктан коткар,Батудан сакла мине.
Нәфрәт итүчеләрдәнҺәм тирән сулардан коткар мине.+
15 Ургылып аккан су ташкыннары мине алып китмәсен,+Упкын да мине йотмасын,Кое* да өстемнән авызын япмасын.+
16 И Йәһвә, җавап бир миңа, чөнки синең тугры мәхәббәтең тирән.+
Юмарт шәфкатең буенча миңа таба борыл,+
17 Хезмәтчеңнән йөзеңне борма.+
Миңа тизрәк җавап бирче, чөнки мине кайгы-хәсрәт басты.+
18 Яныма килеп, йолып ал мине,Дошманнарымнан мине коткар.
19 Син мине ничек хурлаганнарын, мәсхәрәгә төшергәннәрен һәм кимсеткәннәрен беләсең.+
Син бар дошманнарымны күреп торасың.
20 Хурлаудан йөрәгем яраланды һәм җәрәхәтем төзәлмәс булды.*
Мин хәлемә керерләр дип өметләнгән идем, тик юкка гына.+
Юатучылар эзләдем, ләкин һичкемне тапмадым.+
21 Алар миңа ризык урынына агу* бирделәр,+Тамагым кипкәч, эчәргә серкә бирделәр.+
22 Аларның табыны үзләре өчен — тозак,Бәрәкәте ятьмә булсын.+
23 Күзләре караңгыланып, күрмәс булсын,Аякларын берөзлексез калтырат.
24 Аларга ярсуыңны яудыр,Ялкынлы ачуың аларны куып җитсен.+
25 Аларның яшәгән урыннары* буш калсын,Чатырларында яшәүче булмасын.+
26 Чөнки алар синнән җәза* алган кешене эзәрлекли,Яра салган кешеләреңнең газаплары турында бертуктаусыз сүз йөртә.
27 Аларның гаебенә тагын гаеп өстә,Тәкъвалыгыңнан аларга өлеш тимәсен.
28 Исемнәре тормыш китабыннан* сызып ташлансын,+Алар тәкъвалар арасында исәпләнмәсен.+
29 Мин исә газап чигәм, җаным әрни.+
И Раббым, синең коткару көчең мине якласын иде.
30 Мин Аллаһының исеменә мәдхияләр җырлармын,Рәхмәтләр белдереп, аны зурлармын.
31 Моны Йәһвә үгез корбанына караганда да,Мөгезле-тояклы яшь үгезгә караганда да ныграк хуш күрә.+
32 Юашлар Аллаһының коткару көчен күрер дә сөенер.
Әй Аллаһыны эзләүчеләр, йөрәкләрегез җанланып китсен.
33 Йәһвә бит ярлыларны тыңлый,+Ул үзенең әсир халкына җирәнеп карамас.+
34 Күк һәм җир,Диңгезләр һәм анда йөзеп йөрүче һәрнәрсә аны мактасын.+
35 Чөнки Аллаһы Сионны коткарыр,+Яһүд шәһәрләрен яңадан торгызыр.
Алар анда гомер итәр һәм шул җиргә ия булыр.
36 Хезмәтчеләренең токымнары аны мирас итеп алыр,+Аның исемен яратучылар+ шунда гомер сөрер.
Искәрмәләр
^ Яки «җаным менә-менә батачак».
^ Яки «Бер сәбәпсез дошманлык итүчеләр».
^ Я, бәлки, «Мин елап, ураза тотканда».
^ Сүзгә-сүз «мәкаль-әйтемгә әйләндем».
^ Яки «Чокыр».
^ Яки «мин гаҗиз булдым».
^ Яки «агулы үлән».
^ Яки «стена белән уратып алынган лагерьлары».
^ Яки «җәрәхәт».
^ Яки «тереләр китабыннан».
