Зәбур 75:1—10
-
Аллаһы гаделлек белән хөкем итә
-
Явызлар Йәһвәнең касәсеннән эчәчәк (8)
-
Дирижер өчен: «Харап булмасам иде» көенә салынган. Асафның+ мәдхиясе. Җыр.
75 Без сиңа рәхмәтләр белдерәбез, и Аллаһы, сиңа рәхмәтләр белдерәбез.
Синең исемең безнең белән,+Кешеләр искиткеч эшләреңне игълан итә.
2 Син: «Хөкем итү өчен вакыт билгеләгәч,Гаделлек белән хөкем итәм,— дип әйтәсең.—
3 Җир һәм андагы бөтен яшәүчеләр таркалганда,Аның терәкләрен мин ныгыттым». (Села)
4 Мин мактанчыкларга: «Мактанмагыз»,— дидем,Явызларга әйттем: «Көчегез* белән масаймагыз.
5 Зур көчегез* белән масаймагыз,Эреләнеп сөйләшмәгез.
6 Чөнки бөеклек көнчыгыштан да, көнбатыштан да,Көньяктан да килми.
7 Аллаһы — Хөкемче.+
Берәүне ул төшерә, икенчене күтәрә.+
8 Йәһвәнең кулында тулы касә,+Куәтле шәрабы күбекләнә.
Ул аны, һичшиксез, түгәчәк,Һәм җир йөзендәге бөтен явызлар аны утырмасына кадәр эчәчәк».+
9 Мин исә бу хакта мәңге игълан итәрмен,Ягъкуб Аллаһысына мәдхияләр җырлармын.*
10 Чөнки ул: «Мин явызларны бөтен көч-куәтеннән* мәхрүм итәрмен,— дип әйтә,—
Ә тәкъваларның көче* артачак».
Искәрмәләр
^ Сүзгә-сүз «Мөгезегез».
^ Сүзгә-сүз «Мөгезегез».
^ Яки «көй уйнармын».
^ Сүзгә-сүз «мөгезләреннән».
^ Сүзгә-сүз «мөгезләре».