Зәбур 77:1—20
Дирижер өчен: ядиту́н.* Асафның+ мәдхиясе. Җыр.
77 Тавышым белән мин Аллаһыга аваз салырмын,Аллаһыга аваз салырмын, һәм ул мине ишетер.+
2 Кайгы-хәсрәт кичергән көнемдә мин Йәһвәне эзлим.+
Төнлә кулларым армый-талмый* аңа таба сузыла.
Җаным һаман юаныч таба алмый.
3 Аллаһыны исемә төшергәндә ыңгырашам.+
Мин борчылам, һәм көчем җуела.*+ (Села)
4 Син күз кабакларымны ачык көенчә тотасың,Күңелем дулкынлана, һәм мин сөйләшә алмыйм.
5 Уй-фикерләрем белән әүвәлге көннәргә,+Күптән үткән елларга кайтам.
6 Төне буе мин җырымны* исемә төшерәм,+Күңелемдә уйланам.+
Мин* тырышып тикшерү үткәрәм.
7 Әллә Йәһвә безне мәңгегә кире кагармы?+
Ул безгә инде бүтән беркайчан да илтифат итмәсме?+
8 Үзенең тугры мәхәббәтен мәңге күрсәтмәскә булганмы?
Әллә бар буыннарга кагылышлы вәгъдәсе челпәрәмә килерме?
9 Әллә Аллаһы илтифат итәргә онытканмы?+
Я инде ярсуы аркасында шәфкатен күрсәтмәскә булганмы? (Села)
10 «Мине менә нәрсә газаплый:+
Аллаһы Тәгалә безгә карата үз мөнәсәбәтен үзгәртте»*,— дип әйтергә тиешме соң мин?
11 Мин Йәһ башкарган эшләрне исемә төшерермен.
Үткәндә кылган искиткеч эшләреңне хәтеремә төшерермен.
12 Мин синең бар эшләрең турында уйланырмын,Уйларым эш-гамәлләрең хакында булыр.+
13 И Аллаһы, синең юлларың изге.
И Аллаһы, нинди илаһ синдәй бөек?+
14 Син — гаҗәеп нәрсәләр кылучы Аллаһы.+
Син халыкларга көч-куәтеңне күрсәттең.+
15 Кодрәтең* белән син үз халкыңны —Ягъкуб һәм Йосыф улларын йолып алдың.+ (Села)
16 Сине сулар күрде, и Аллаһы,Сулар сине күреп, тынычсызланды,+Тирән сулар дулкынланып китте.
17 Болытлар коеп су яудырды.
Болытлы күкләр күкрәде,Яшеннәрең уклар кебек тегендә-монда ялт-йолт килде.+
18 Күк күкрәвеңнең тавышы+ хәрби арбаларның гөрелдәве шикелле булды.
Ялтыр-йолтыр килгән яшеннәр җир йөзен яктыртты.+
Җир тетрәп, селкенеп китте.+
19 Юлың — диңгез аша,+Сукмагың күп сулар аша үтте,Әмма аяк эзләреңне табып булмады.
20 Муса белән Һарун кулы астында+Син үз халкыңны сарык көтүен алып баргандай алып бардың.+
Искәрмәләр
^ Сүзгә-сүз «оемыйча».
^ Сүзгә-сүз «рухым хәлсезләнә».
^ Яки «кыллы коралда уйнаган көемне».
^ Сүзгә-сүз «Рухым».
^ Яки «ярдәм кулын сузмый».
^ Сүзгә-сүз «Кулың».
