Ишагыя 14:1—32
14 Йәһвә Ягъкубка шәфкать күрсәтер+ һәм Исраилне яңадан сайлар.+ Ул аларны үз җирләренә урнаштырыр.*+ Килмешәкләр алар белән берләшер һәм Ягъкуб йортына кушылыр.+
2 Башка халык кешеләре аларны алып, үз урыннарына кайтарыр, һәм Исраи́л йорты бу кешеләрне Йәһвә җирендә үзләренең ир һәм хатын хезмәтчеләре итәр.+ Алар үзләрен тоткында тотканнарны әсирлеккә алыр һәм үзләрен эшләргә мәҗбүр иткәннәрне буйсындырыр.
3 Йәһвә сине газаптан, борчылудан һәм коллыкның авыр йөгеннән арындырып, сиңа тынычлык биргән көнне+
4 син Бабы́л патшасы турында мондый гыйбрәтле хикәя* сөйләрсең:
«Башкаларны эшләргә мәҗбүр итүче һәлак булды!
Җәберләү бетте!+
5 Йәһвә явызларның чыбыгын,Идарәчеләрнең таягын сындырды,+
6 Халыкларны бертуктаусыз, сугып, ярсу белән кыйнаучыны,+Милләтләрне мәрхәмәтсез эзәрлекләп, ачу белән буйсындыручыны юк итте.+
7 Бөтен җир тынычланды, борчылмый.
Кешеләр шатлыктан кычкыра.+
8 Синең белән ни булганын күреп хәтта артыш агачларыҺәм Ливандагы эрбет агачлары сөенә.
Алар: „Безгә урман кисүчеСин егылганнан бирле килми“,— диләр.
9 Сине каршылар өченХәтта аста Кабер* хәрәкәткә килде.
Синең аркада ул көчсез гүр ияләрен,Җирнең бөтен залим җитәкчеләрен* уятты.
Ул халыкларның бөтен патшаларын тәхетләреннән торгызды.
10 Алар барысы сиңа болай ди:
„Син дә безнең кебек хәлсезләндеңме?
Безнең кебек булып киттеңме?
11 Кабергә* синең горурлыгың,Кыллы уен коралларың тавышы ташланды.+
Кортлар — астыңдагы ятагың,Өстеңдәге япмаң булды“.
12 Син күктән килеп төштең,И балкып торган йолдыз — таң улы!
Җиргә аудың,Әй халыкларны җиңүче!+
13 Күңелеңнән син болай дидең:
„Күкләргә күтәрелермен.+
Тәхетемне Аллаһы йолдызларыннан югарырак куярмын,+Төньякның иң ерак җирләрендәге+Җыелыш тавына утырырмын.
14 Болытлар өстеннән күтәрелермен,Аллаһы Тәгалә кебек булырмын“.
15 Әмма сине Кабергә,*Чокырның иң тирән җирләренә ташларлар.
16 Сине күргәннәр сиңа текәлеп карар,Сине җентекләп күздән кичерер һәм әйтер:
„Җирне селкеткән,Патшалыкларны тетрәткән+ кеше шушымы әллә?
17 Җирне чүлгә әйләндергән,Андагы шәһәрләрне җимергән,+Тоткыннарын өйләренә җибәрмәгән кеше шушымыни?“+
18 Халыкларның бөтен патшалары,Әйе, аларның барысы хөрмәтләпҺәрберсе үз төрбәсенә җирләнә.
19 Ә син кабергә салынмадың,Сине кирәксез үсентедәй* кире кактылар,Син ташлы чокырдаКылыч белән үтерелгән үлекләр астында калдың.
Син аяк астына салып тапталган мәет сыман.
20 Син патшалар белән бергә җирләнмәссең,Чөнки үз җиреңне тар-мар иттең,Үз халкыңны кырып бетердең.
Явызлар токымының исеме бүтән беркайчан да телгә алынмас.
21 Ата-бабаларының гаебе аркасындаАның улларын үтерер өчен урын әзерләгез,Шулчак алар күтәрелеп җирне биләп алмас
Һәм җирне үз шәһәрләре белән тутырмас».
22 «Мин аларга каршы күтәрелермен»+,— ди Гаскәрләр Иясе Йәһвә.
«Мин Бабыл исемен, аның калдыгын, аның токымын һәм нәселен кырып бетерермен»+,— ди Йәһвә.
23 «Мин аны дикобразлар биләмәсе һәм сазлык җире итәрмен. Мин аны юк итү себеркесе белән себереп чыгармын»+,— ди Гаскәрләр Иясе Йәһвә.
24 Гаскәрләр Иясе Йәһвә ант итте:
«Нәрсә ниятләсәм, шул булыр,Нәрсә карар итсәм, шул үтәлер.
25 Үз җиремдә ассириялене юк итәрмен,Аны тауларымда таптармын.+
Аның камыты алардан салдырылырҺәм йөге җилкәләреннән алып куелыр».+
26 Бөтен җиргә каршы чыгарылган карар менә шул,Бар халыкларга каршы сузылган* кул менә шул.
27 Гаскәрләр Иясе Йәһвә карар чыгарды —Аны кем юкка чыгара алыр?+
Аның кулы сузылган —Аны кем кире бора алыр?+
28 Әһә́з патша үлгән елны+ Аллаһы мондый хәбәр җибәрде:
29 «Филисти́ һәм синең халкың,Үзеңә сугучының таягы сынганына сөенмә.
Чөнки елан тамырыннан+ агулы елан килеп чыгар,+Һәм аның токымы елгыр зәһәр елан* булыр.
30 Мескеннәрнең беренче балалары тукланганда,Ярлылар иминлектә ятканда,Мин тамырыңны ачлык белән корытырмын,Синең калдыгың үтерелер.+
31 И капка, акырып ела! И шәһәр, кычкыр!
Бөтен халкың, Филисти, өметсезлеккә бирелер!
Чөнки төньяктан төтен килә,Дошман сафларында артта калучы юк».
32 Алар халыкның хәбәрчеләренә ничек җавап бирергә тиеш?
Йәһвә Сионга нигез салды,+Һәм аның халкының мескеннәре анда сыеныч табар.
Искәрмәләр
^ Яки «аларга үз җирләрендә тынычлык бирер».
^ Яки «мыскыллаучы сүзләр».
^ Сүзгә-сүз «кәҗә тәкәләрен».
^ Яки «ботактай».
^ Яки «сугарга әзер».
^ Сүзгә-сүз «очучы ялкынлы елан».