Ишагыя 16:1—14
-
Моабка каршы хәбәрнең дәвамы (1—14)
16 Силәдән чүл аркылыСио́н шәһәре тавына,Шул җирнең идарәчесенә сарык тәкәсе җибәрегез.
2 Моа́б кызлары Арно́н кичүләре янында+Оясыннан куып җибәрелгән коштай булыр.+
3 «Киңәш бир, карарны үтә.
Көн уртасындагы күләгәңне төн кебек караңгы ит.
Таралганнарны яшер һәм качканнарны тотып бирмә.
4 И Моаб, таралган халкым синең араңда яшәсен.
Аларга юкка чыгаручыдан яшеренер урын бул.+
Җәберләүчегә ахыр килер,Таркатылу бетәрҺәм башкаларны таптаучылар җирдән юкка чыгар.
5 Шунда тугры мәхәббәт нигезендә тәхет куелыр.
Давыт чатырындагы шул тәхеттә утыручы тугры булыр.+
Ул дөрес хөкем итәр, гаделлекне тиз урнаштырыр».+
6 Без Моабның горурлыгы турында, ә ул бик горур,+Аның тәкәбберлеге, горурлыгы һәм ярсуы турында ишеттек.+
Ләкин аның буш сүзләре юкка чыгар.
7 Шуңа күрә Моаб үз башына төшкән бәла аркасында үкереп елар.
Алар бөтенесе акырып елар.+
Тар-мар ителгәннәр Кир-һәрәшиттәге+ йөзем көлчәләрен юксынып ыңгырашыр.
8 Чөнки Хишбу́н+ кырлары,Сибмадагы+ йөзем агачы корыды.
Халыкларның идарәчеләре аның кызыл җимеш тулы* ботакларын таптады.
Бу ботаклар Язергә+ кадәр җитеп,Чүлгә кадәр сузылган иде.
Аның үсентеләре үсеп китеп, диңгезгә кадәр җиткән иде.
9 Шуңа күрә мин, Язе́р өчен кычкырып елаган кебек, Сибмадагы йөзем агачы өчен үкереп елармын.
И Хишбун һәм Элга́л,+ мин сезне күз яшьләрем белән чылатырмын,Чөнки сезнең җәйге җимешләр җыю һәм урак өсте вакытларындагы кычкыру авазлары бетте.*
10 Җимеш бакчасында сөенеч һәм шатлык бетте,Йөзем бакчаларында шатлыклы җырлар һәм кычкырулар ишетелми.+
Бүтән һичкем изгечләрдә йөзем изми,Чөнки мин куану тавышларын туктаттым.+
11 Шуңа күрә Моаб өчен күңелем,+Кир-һәрәши́т өчен йөрәгем+Арфа кылларыдай тибрәнә.
12 Моаб биеклектә табынып алҗып бетсә дә, үзенең изге йортына дога кылу өчен йөрсә дә, ул бернәрсәгә ирешмәс.+
13 Бу — Йәһвәнең Моаб турында алдан әйткән сүзе.
14 Хәзер исә Йәһвә болай ди: «Ялланган эшченең вакыты белән исәпләгәндә,* өч ел эчендә төрле чуалышлар аркасында Моаб, даны бетеп, хур ителер. Калганнар исә бик аз һәм әһәмиятсез булыр».+
Искәрмәләр
^ Яки «кып-кызыл».
^ Я, бәлки, «Чөнки сезнең җәйге җимешләрегезгә һәм уңышыгызга хәрби кычкыру тавышы килде».
^ Яки «Ялланган эшче җентекләп исәпләгәндәй». Ягъни төгәл өч ел эчендә.