Ишагыя 2:1—22
2 Аму́з улы Ишагыянең Яһүд һәм Иерусалим турындагы күренеше:+
2 Соңгы көннәрдәЙәһвә йортының тавыТау башларыннан югарырак урнашыр.+
Ул калкулыклардан өстен күтәрелер,Һәм бар халыклар аңа агылыр.+
3 Күп халыклардан чыккан кешеләр килеп, болай дияр:
«Килегез, Йәһвә тавына,Ягъкуб Аллаһысы йортына меник.+
Ул безне үз юлларына өйрәтер.Без аның сукмакларыннан йөрербез».+
Чөнки канун* — Сионнан,Йәһвәнең сүзе Иерусалимнан чыгар.+
4 Ул халыклар арасында хөкемче булыр,Күп халыклар файдасына бар нәрсәне төзәтер.
Алар кылычларыннан чүкеп — төрәннәр,Сөңгеләреннән бакча пычаклары ясарлар.+
Халык халыкка кылыч күтәрмәс,Алар бүтән сугышырга өйрәнмәс.+
5 И Ягъкуб йорты, килегез,Йәһвәнең яктылыгында йөрик.+
6 Син үз халкыңны — Ягъкуб йортын калдырдың,+Чөнки алар көнчыгыштан күп нәрсәгә өйрәнде.
Алар филистилеләр кебек сихерчелек итә,+Араларында чит ил кешеләренең балалары бик күп.
7 Җирләре көмеш һәм алтын белән тулы,Аларның байлыклары чиксез күп.
Җирләре атлар белән тулы,Хәрби арбалары санап бетергесез.+
8 Аларның җирләре файдасыз илаһлар белән тулы.+
Алар үз куллары ясаган,Үз бармаклары эшләгән нәрсәләргә сәҗдә кыла.
9 Шулай итеп кеше хурлыкка төшә, үз дәрәҗәсен төшерә,Һәм син аларны кичерә алмыйсың.
10 Йәһвәнең куркыныч ярсуыннан,Аның мәһабәт бөеклегеннән+Кыяга кач, җирдә чокыр ясап яшерен.
11 Тәкәббер кеше башын ияр,Һавалы кешеләр басынкыланыр.
Ул көнне Йәһвә генә югары күтәрелер.
12 Чөнки бу — Гаскәрләр Иясе Йәһвәнең көне.+
Ул тәкәббер һәм һавалы булган һәркемнең башына,Һәр кешенең — бөекме ул, гадиме — һәркемнең башына төшәр.+
13 Ливандагы биек һәм мәһабәт эрбет агачлары да,Башандагы бар имәннәр дә котыла алмас,
14 Бөтен зур тауларҺәм бөтен биек калкулыклар да,
15 Һәр югары манара һәм һәр ныгытылган дивар да,
16 Таршишның бөтен кораблары+Һәм сокландыргыч бар көймәләр дә котыла алмас.
17 Тәкәббер кеше башын ияр,Һавалы кешеләр басынкыланыр.
Ул көнне Йәһвә генә югары күтәрелер.
18 Файдасыз илаһлар бөтенләй юкка чыгар.+
19 Йәһвә җир көчле куркудан тетрәнсен дип күтәрелгәндә,Кешеләр аның куркыныч ярсуыннан,Аның мәһабәт бөеклегеннән+Кыя мәгарәләренә,Җирдәге чокырларга качар.+
20 Ул көнне кешеләр сәҗдә кылырга дип,Үзләре өчен көмеш белән алтыннан ясаган файдасыз илаһларын алып,Җир тычканнары* белән ярканатларга ыргытыр.+
21 Йәһвә җир көчле куркудан тетрәнсен дип күтәрелгәндә,Аның куркыныч ярсуыннан,Аның мәһабәт бөеклегеннәнКешеләр кыя ярыкларынаҺәм таш тау тишекләренә качар.
22 Үз файдагыз өчен кешегә бүтән таянмагыз,Ул бит үзенең борын тишекләрендәге сулыш кына.
Ни файда бар соң аңардан?
