Ишагыя 44:1—28
44 Хәзер инде тыңла, хезмәтчем Ягъкуб,Колак сал, сайлап алган хезмәтчем Исраи́л.+
2 Сине Яратучы һәм сине булдырган,+Сиңа ана карыныннан* ук ярдәм иткән АллаһыЙәһвә болай ди:
„Курыкма, хезмәтчем Ягъкуб,+Мин сайлаган Йәшуру́н.*+
3 Мин сусаучыга* су бирермен,+Коры җирдән агым сулар агызырмын.
Синең токымыңа* рухымны иңдерермен,+Нәселеңә хәер-фатихамны яудырырмын.
4 Һәм алар яшел үлән сыман,+Агым сулар буендагы тирәкләр сыман үсәр.
5 Берәү: „Мин Йәһвәнеке“,— дияр,+Икенчесе Ягъкуб исеме белән аталыр,Тагын берәү кулына: „Йәһвәнеке“,— дип язып куяр,Һәм Исраил исемен кабул итәр“.
6 Йәһвә болай ди,Исраилнең Патшасы+ һәм аны Йолып Алучы+ Гаскәрләр Иясе Йәһвә болай ди:
„Мин беренче һәм соңгы.+
Миннән башка Аллаһы юк.+
7 Миңа тиң кем бар?+
Җавап бирсен, миңа моны әйтсен һәм исбатласын!+
Алар булачак нәрсәләрнеҺәм аннан соң нәрсә булачагын сөйләсен.
Мин борынгы халыкны оештырганнан бирле шулай эшләп киләм бит.
8 Котыгыз алынмасын,Куркудан катып калмагыз.+
Мин бу турыда сезнең һәрберегезгә алдан ук әйтмәдемме, хәбәр итмәдемме?
Сез минем шаһитләрем.+
Әллә миннән башка Аллаһы бармы?
Юк, бүтән Кыя юк.+ Мин берсен дә белмим“».
9 Кисеп потлар ясаган һәркем юкка тырыша,Аның кадерле потлары файдасыз.+
Аның шаһитләре буларак, алар* бернәрсә күрми һәм бернәрсә белми,+Шуңа күрә аларны ясаган кеше хурлыкка төшәр.+
10 Ник кирәк соң кешегә бер файдасызИлаһ я сын* ясарга?+
11 Менә, аның бар ярдәмчеләре оятка калыр!+
Һөнәрчеләр нибары кешеләр генә.
Аларның барысы җыелсын һәм үз урыннарын алсын.
Аларның котлары алыныр, һәм алар бөтенесе бергә хурлыкка төшәр.
12 Тимерче үз коралы* белән күмерләр өстендә тимер эшкәртә.
Ул аны көчле кулы белән чүкеп,Аннан пот ясый.+
Ул ачыга һәм аның көче бетә,Ул су эчми һәм арый.
13 Агач остасы үлчәү бавы сузып, агачта кызыл акбур кисәге белән сурәт сызгалый.
Ул аны өтерге белән эшкәртә һәм аңа җәзбә* белән сыза.
Ул аны кеше кыяфәтендә+
Кеше кебек матур итеп ясый.
Аннары аны өйдә* утыртып куя.+
14 Ә кемдер эрбет агачларын кисә.
Ул билгеле бер агачны — имәнне сайлый,Аңа урмандагы агачлар арасында үсеп ныгырга вакыт бирә.+
Ул дәфнә агачы утырта, ә яңгыр аны үстерә.
15 Аннары шул агач кешегә утын була.
Ул аның бер өлешен җылыныр өчен куллана,Учак яга һәм икмәк пешерә.
Ә икенче өлешеннән илаһ ясый һәм аңа табына.
Ул аннан пот ясый һәм аның алдында сәҗдә кыла.+
16 Аның яртысын ул утта яндыра,Учакта ул ашар өчен ит кыздыра һәм туклана.
Ул шулай ук җылына һәм:
«Ах! Ялкынга карап утырып мин җылындым»,— ди.
17 Ә калганыннан ул илаһ булдыра, аннан пот ясый.
Аңа сәҗдә кыла һәм табына.
Аңа дога кылып:
«Коткар мине, син бит минем илаһым»,— ди.+
18 Алар бернәрсә дә белми һәм аңламый,+Күзләре ябык булганга, күрә алмый,Аларның йөрәкләре аңламый.
19 «Агачның яртысын мин утта яндырдым,Аның күмерендә мин ашар өчен икмәк пешердем һәм ит кыздырдым.
Ә калганыннан җирәнгеч нәрсә ясыйммы?+
Агач бүкәненә* табыныйммы?» — дип
Күңеленнән беркем уйламый,Аларда белем дә, аңлау да юк.
20 Ул көл белән туклана.
Алданган йөрәге аны юлдан яздырды.
Ул үз җанын коткара алмый һәм:
«Уң кулымдагы бу нәрсә ялган түгелме?» — дип әйтми.
21 «И Ягъкуб, боларны исеңдә тот. Син дә, Исраил, онытма,Чөнки син минем хезмәтчем.
Мин сине булдырдым, син минем хезмәтчем.+
И Исраил, мин сине онытмам.+
22 Мин синең җинаятьләреңне болыт белән каплагандай,+Синең гөнаһларыңны куе болыт белән каплагандай каплармын.
Кайт яныма, мин сине йолып алырмын.+
23 Күкләр, шатланып аваз салыгыз,Чөнки Йәһвә моны эшләде!
Җирнең түбән урыннары, сөенеп кычкырыгыз!
Куанып кычкырыгыз, таулар,+Урман һәм бар агачларың!
Йәһвә бит Ягъкубны йолып алды,Исраил аша үз күркәмлеген күрсәтә».+
24 Сине Йолып Алучы,+Ана карынында сине булдырган Йәһвә болай ди:
«Мин Йәһвә, мин бар нәрсәне яраттым.
Күкләрне тукымадай җәеп җибәрдем,+Үзем җирне җәеп салдым.+
Кем минем белән булды?
25 Мин буш нәрсә сөйләүчеләрнең* билгеләрен юкка чыгарам,Мин күрәзәчеләрне ахмаклардай эш иттерәм,+Акыл ияләрен аптырашта калдырам,Аларның белемен акылсызлыкка әйләндерәм.+
26 Мин үз хезмәтчемнең сүзен тормышка ашырам,Хәбәрчеләремнең пәйгамбәрлекләрен тулысынча үтим.+
Мин Иерусалим хакында: „Анда кешеләр яшәячәк“,— дим,+Яһүд шәһәрләре турында: „Алар яңадан төзеләчәк,+Һәм хәрабәләрен яңадан торгызам“,— дип әйтәм.+
27 Мин тирән суларга: „Парга әйләнегез,Мин синең бөтен елгаларыңны корытам“,— дим.+
28 Мин Кир турында:+ „Ул мин билгеләгән көтүче,Ул бөтен ихтыярымны тулысынча үтәр“,— дип әйтәм.+
Мин Иерусалим турында: „Ул яңадан торгызылачак“,— дим,Һәм аның гыйбадәтханәсе хакында: „Синең нигезең салыначак“,— диям».+
Искәрмәләр
^ Яки «тумыштан».
^ Мәгъ. «намуслы». Исраилнең хөрмәтле исеме.
^ Яки «кибеп беткән җиргә».
^ Сүзгә-сүз орлык.
^ Ягъни потлар.
^ Яки «металл сын».
^ Яки «кискече».
^ Ягъни циркуль.
^ Яки «гыйбадәтханәдә».
^ Яки «Кипкән агач кисәгенә».
^ Яки «ялган пәйгамбәрләрнең».