Ишагыя 55:1—13
55 Килегез, әй бөтен сусаган кешеләр,+ су алырга килегез!+
Акчалары булмаганнар, килегез, алыгыз* һәм ашагыз!
Әйе, килегез, акчасыз һәм түләүсез+ шәраб һәм сөт алыгыз.+
2 Ник сез икмәк булмаган нәрсә өчен акча түлисез?
Ник хезмәт хакыгызны* тамак туйдырмаган нәрсә өчен сарыф итәсез?
Мине игътибар белән тыңлагыз һәм яхшы ризык ашагыз,+Шунда җаныгыз чыннан да туклыклы ризык белән ләззәтләнер.+
3 Колак салыгыз һәм яныма килегез.+
Тыңлагыз, һәм җаныгыз исән булыр,Мин, һичшиксез, сезнең белән мәңгелек килешү төзермен.+
Моны мин Давытка даими* күрсәтергә вәгъдә иткән тугры мәхәббәтем буенча эшләрмен.+
4 Менә, мин аны халыклар өчен шаһит,+Милләтләр өчен җитәкче+ һәм башлык+ иттем.
5 Менә, син үзең белмәгән халыкны чакырырсың,Һәм сине белмәгән халык кешеләреАллаһың Йәһвә — Исраилнең Изге Аллаһысы хакына синең яныңа йөгерер,+Чөнки ул сине данлар.+
6 Әле табып булганда, Йәһвәне эзләгез.+
Ул әле якын булганда, аңа мөрәҗәгать итегез.+
7 Явыз кеше үз юлын,+Усал үз уйларын калдырсын.
Ул Йәһвәгә кайтсын, һәм Аллаһы аңа мәрхәмәт күрсәтер,+Аллаһыбызга кире килсен, чөнки ул аны ихластан кичерер.+
8 «Чөнки минем уйларым сезнең уйларыгыз белән бер түгел,+Юлларыгыз да минем юлларым белән бер түгел,— ди Йәһвә.—
9 Чөнки күкләр җирдән никадәр югарырак булса,Минем юлларым да сезнең юлларыгыздан,Уйларым да сезнең уйларыгыздан шул кадәр югарырак.+
10 Яңгыр белән кар күктән явып,Җирне сугармыйча күккә кире кайтмый.
Ул җирне уңдырышлы итә, анда үсемлекләр үстерә;Чәчүчегә орлык, ашаучыга икмәк бирә.
11 Минем авызымнан чыккан сүз дә шулай.+
Ул үтәлмичә миңа кире кайтмас,+Мин теләгәнне,* һичшиксез, башкарыр,+Аны нәрсә өчен җибәрсәм, шуны үтәр.
12 Шуңа күрә сез шатлык белән чыгарсыз+Һәм тыныч-имин кайтырсыз.+
Сез кайтканда, таулар һәм калкулыклар шатлыклы авазлар белән куаныр,+Кырдагы бар агачлар кул чабар.+
13 Чәнечкеле үсемлекләр урынына артыш агачы,+Чагучы кычыткан урынына мирт агачы үсәр.
Бу Йәһвәгә дан китерер+Һәм беркайчан юкка чыкмас мәңгелек билге булыр».
Искәрмәләр
^ Сүзгә-сүз «сатып алыгыз».
^ Яки «тир түгеп тапкан акчагызны».
^ Яки «тугры».
^ Яки «Ихтыярымны».
