Ишагыя 57:1—21
57 Тәкъва кеше юкка чыкты,Ләкин беркем дә моңа игътибар итми.
Тугры кешеләр үлә,+Һәм беркем дә тәкъва кешенеңБәла-каза аркасында* үлгәнен аңламый.
2 Ул тынычлык таба.
Тугры юл белән йөргәннәрнең барысы кабердә* ята.
3 «Ә сез, сихерче хатынның уллары,Уйнашчы ир һәм фахишәнең балалары,Якынрак килегез.
4 Сез кемнән көләсез?
Кемне мыскыллап ыржаясыз, кемгә телегезне күрсәтәсез?
Сез җинаятьчеләр балалары,Алдакчылар токымы түгелме?+
5 Сез зур агачлар арасында,Һәр җәенке агач астында җенси дәрт белән янасыз түгелме?+
Сез балаларны үзәннәрдә,*Кыялар арасында үтерәсез түгелме?+
6 Үзәндәге* шома ташлар сиңа* бик кадерле.+
Әйе, болар — синең өлешең.
Син хәтта аларга да шәраб бүләкләре агызасың һәм бүләкләр китерәсең.+
Мин моңа риза булыйммы?*
7 Биек тау башында син ятагыңны* әзерләдең,+Анда корбан китерергә мендең.+
8 Ишек һәм ишек яңагы артында син һәйкәл* куйдың.
Син мине ташлап киттең һәм шәрәләндең.
Менеп киң итеп урын җәйдең.
Алар белән килешү төзедең.
Син алар белән ятак уртаклашырга яраттың,+Ир-атның җенси әгъзасына текәлеп карап тордың.*
9 Син май беләнБик күп хушбуй алып, Мәли́к* янына төштең.
Вәкилләреңне еракка җибәреп,Кабергә* кадәр түбәнсендең.
10 Син көч түгеп, үзеңнең күп юлларыңнан йөрдең,Әмма: „Бу өметсез!“ — димәдең.
Син яңадан көч җыйдың.
Шуңа күрә бирешмисең.
11 Кемнән куркып котың алынды?
Кемнән куркып алдый башладың?+
Син мине искә төшермәдең.+
Бернәрсәне йөрәгеңә якын алмадың.+
Мин дәшми торып эшләреңә игътибар итмәдем түгелме?+
Шунлыктан син миңа курку-хөрмәт күрсәтмәдең.
12 Мин синең ясалма тәкъвалыгыңны+ һәм эшләреңне+ билгеле итәрмен,Алар сиңа файда китермәс.+
13 Син ярдәм сорап кычкырганда,Җыйган потларың сине коткармас.+
Аларның барысын җил алып китәр,Бер исүе дә аларны очырыр,Ләкин миңа сыенган кеше җирне мирас итеп алыр,Минем изге тавыма ия булыр.+
14 Болай диярләр: „Салыгыз, юл салыгыз! Юл әзерләгез!+
Халкымның юлыннан бар киртәләрне алып ташлагыз“».
15 Мәңге яшәүче+ һәм исеме изге+ Аллаһы,Югары һәм Мәһабәт Аллаһы болай ди:
«Мин биеклектә һәм изге урында яшим,+Ләкин басынкыларның рухын күтәрер өчен,Изелгәннәрнең йөрәген җанландырыр өчен,Шундыйлар белән дә яшим.+
16 Мин аларга мәңге каршы тормам,Һәрвакыт ярсулы булып калмам.+
Чөнки минем аркада кеше рухы,Үзем булдырган сулый торган затлар көчсезләнер иде.+
17 Аның намуссыз табыш алырга гөнаһлы омтылышына ачуым кабарды,+Шуңа күрә мин аңа суктым, ярсып аңардан йөземне читкә бордым.
Ләкин ул үз йөрәге теләгән юлдан барып, мөртәт булып калды.+
18 Мин аның юлларын күрдем,Ләкин аны савыктырырмын+ һәм җитәкләрмен,+Үзен дә, аның белән кайгыручыларны+ да кабат юатырмын».*+
19 «Мин кеше теленә мактау сүзе салам.
Ерактагы һәм якындагы кешегә дәвамлы тынычлык бирелер+,— ди Йәһвә,—Мин аны савыктырырмын».
20 «Ә явызлар тынычлана алмаган давыллы диңгез сыман,Аның сулары суүсемнәр һәм пычрак чыгарып ташлый тора.
21 Явызларга тынычлык юк»,— ди минем Аллаһым.+
Искәрмәләр
^ Я, бәлки, «Бәла-казадан».
^ Сүзгә-сүз «үз ятакларында».
^ Яки «елга үзәннәрендә».
^ Яки «моннан юаныч табыйммы?»
^ Сион я Иерусалим турында әйтелә.
^ Яки «Елга үзәнендәге».
^ Бәлки, мәҗүси мәзбәх я табыну урыны.
^ Бәлки, потка табыну билгесе.
^ Бәлки, потка табыну турында сүз бара.
^ Я, бәлки, «патша».
^ Яки «Аңа һәм аның белән кайгыручыларга юаныч белән кайтарырмын».
