Ишагыя 59:1—21
59 Менә! Йәһвәнең кулы коткарыр өчен кыска түгел,+Колагы ишетер өчен каты түгел.+
2 Юк, үз җинаятьләрегез сезне Аллаһыгыздан аерды,+Гөнаһларыгыз аны үз йөзен сездән борырга мәҗбүр итте,Аның сезне ишетәсе килми.+
3 Чөнки сезнең учларыгыз — кан белән,+Кулларыгыз җинаять белән нәҗесләнгән.
Авызларыгыздан ялган чыга+ һәм телләрегездә гаделсезлек.
4 Беркем дә гаделлекне яклап сөйләми,+Судта да беркем дөресен әйтми.
Алар юк нәрсәгә таянып,+ файдасыз нәрсә сөйли.
Бәла-казага узып, явызлык тудыра.+
5 Алар агулы еланның йомыркалары өстендә утыра,Бу йомыркаларны ашаган һәркем үләр,Ә ватылган йомыркадан зәһәр елан чыга.
Алар үрмәкүч пәрәвезен үрә.+
6 Алар үргән пәрәвезне кием итеп киеп булмый,Алар эшләгән эшләрен дә үз өсләренә яба алмый.+
Аларның эшләре җимергеч,Кулларында — җәбер-золым эшләре.+
7 Аларның аяклары яманлык эшләргә йөгерә,Алар гаепсез кешеләрнең канын коярга ашыга.+
Аларның уйлары — зарарлы уйлар,Юлларында һәлакәт һәм газап.+
8 Алар тынычлык юлын танып белмәде,Аларның сукмакларында гаделлек юк.+
Үз юлларын алар кәкре итә,Бу юллардан йөргән бер кеше дә тынычлык белмәс.+
9 Шуңа күрә гаделлек бездән ерак,Тәкъвалык безгә ирешми.
Без яктылыкка өметләнәбез, ә тирә-юньдә караңгылык.
Якты көн көтәбез, ләкин дөм караңгыда йөрибез.+
10 Сукыр кеше кебек, без диварны капшыйбыз,Күзсез кеше кебек, капшанып йөрибез.+
Без көн уртасында кичке караңгыда абынгандай абынабыз,Көчлеләр арасында без үлеләр сыман.
11 Без барыбыз аюлар сыман үкерәбез,Күгәрченнәр сыман, көенеп гөрләшәбез.
Без гаделлеккә өметләнәбез, ә ул юк.
Коткару көтәбез, ә ул бездән ерак.
12 Чөнки синең алдыңда фетнәләребез күп шул,+Һәрбер гөнаһыбыз безгә каршы шаһитлек бирә.+
Без фетнәләребезнеҺәм җинаятьләребезне яхшы беләбез.+
13 Без гөнаһ кылдык һәм Йәһвәне кире кактык,Аллаһыбызга аркаларыбыз белән борылдык.
Җәбер-золым һәм фетнә турында сөйләштек,+Йөрәгебездә ялган ниятләдек һәм ялган сүзләр әйттек.+
14 Гаделлек артка чигенә,+Тәкъвалык ерак тора.+
Хакыйкать* шәһәр мәйданында абынды,Дөреслек тә анда керә алмый.
15 Хакыйкать* юкка чыкты,+Яманлыктан читкә борылган кешене талыйлар.
Йәһвә моны күрде, һәм бу аның күзендә явызлык иде,Чөнки гаделлек юк иде.+
16 Ул ярдәм итәрлек кеше юк икәнен күрде,Яклаучының булмаганына гаҗәпләнде,Шуңа күрә аның кулы коткару* китерде,Тәкъвалыгы үзен эш итәргә этәрде.
17 Шунда ул тәкъвалыкны көбә кигәндәй киде,Башына коткару* башлыгын киде,+Ул үч алу киемен үз киеме итеп киде+Һәм япанчага* төренгәндәй ашкынуга төренде.
18 Ул һәркемгә эшенә карап тиешлесен бирер:+
Дошманнарына ярсу яудырыр, үзенә каршы килүчеләргә җәза бирер.+
Утрауларга да тиешлесен кайтарыр.
19 Көнбатыштагылар — Йәһвәнең исеменә,Көнчыгыштагылар аның данына курку-хөрмәт күрсәтер,Чөнки Йәһвә үз рухы алып килгәнУргылып аккан елгадай килер.
20 «Йолып Алучы+ Сионга килер,+Ягъкубның җинаять юлыннан киткән токымнарына килер»+,— ди Йәһвә.
21 «Алар белән төзегән килешүем мондый»+,— дип әйтә Йәһвә. «Синдә булган рухым һәм мин авызыңа салган сүзләрем синең авызыңнан, балаларың* авызыннан һәм оныкларың* авызыннан алынмас,— ди Йәһвә.— Хәзер һәм мәңге шулай булыр».
Искәрмәләр
^ Яки «Намуслылык».
^ Яки «Намуслылык».
^ Яки «үзенә җиңү».
^ Яки «җиңсез япанчага».
^ Яки «җиңү».
^ Сүзгә-сүз орлык.
^ Сүзгә-сүз «орлыгыңның орлыгы».
