Ишагыя 60:1—22
60 «И хатын, күтәрел,+ яктыртып тор, чөнки яктылыгың килде.
Йәһвәнең даны сине яктырта.+
2 Менә, җирне караңгылык,Халыкларны куе караңгылык каплар.
Ләкин сине Йәһвә яктыртыр,Синдә аның даны күренер.
3 Халыклар синең яктылыгыңа агылыр,+Патшалар+ нурлы күркәмлегеңә* килер.+
4 Күзләреңне күтәреп, тирә-якка кара!
Алар барысы җыелды, алар синең янга килә.
Улларың ерактан килә,+Ә кызларыңны күтәреп киләләр.+
5 Шул вакытта син күрерсең һәм балкый башларсың,+Йөрәгең, еш-еш тибеп, шатлык белән тулыр,Чөнки диңгез муллыгы сиңа юнәлер.
Халыкларның байлыгы сиңа килер.+
6 Синең җиреңне* күп-күп дөяләр,Мидья́н һәм Ифаның+ яшь дөяләре каплар.
Шебаның бөтен кешеләре килер,Алар алтын һәм ла́дан алып килер,Халык алдында Йәһвәне мактар.+
7 Кидарның+ бөтен көтүләре сиңа җыелыр.
Нәбәйотның+ сарык тәкәләре сиңа хезмәт итәр.
Алар минем мәзбәхемә күтәрелер һәм хуплап кабул ителер,+Һәм мин данлыклы йортымны бизәрмен.+
8 Кемнәр анда болытлар кебек,Үз кетәкләренә очкан күгәрченнәр кебек очып килә?
9 Миңа утраулар өметләнер.+
Тарши́ш кораблары беренче булып* килер,Аллаһың Йәһвәнең — Исраилнең Изге Аллаһысының исеме хакынаЕрактан синең улларыңны,+Аларның көмешен һәм алтынын алып килер,Чөнки ул сине данлар.*+
10 Чит ил кешеләре синең диварларыңны төзер,Аларның патшалары сиңа хезмәт итәр,+Чөнки ярсыганда, мин сине җәзалаган булсам да,Хуплаган* чагымда мин сиңа мәрхәмәт күрсәтермен.+
11 Синең капкаларың һәрвакыт ачык булыр.+
Аларны төнлә дә, көндез дә япмаслар.
Алар аркылы сиңа халыкларның байлыкларын китерерләр,Аларның патшалары бу эштә беренче булыр.+
12 Сиңа хезмәт итмәгән һәр милләт, һәр патшалык юкка чыгар,Бу халыклар тулысынча җимерелер.+
13 Лива́н даны сиңа килер,+Минем изге урынымны бизәр өчен,+Сиңа артыш агачы, корычагач һәм кипарис агачы китерелер.
Мин аяк табаннарым торган урынны данлармын.+
14 Үзеңне җәберләгәннәрнең уллары килеп, синең алдыңда сәҗдә кылыр.
Сине санга сукмаганнарның барысы аякларыңа кадәр бөгелеп баш ияргә тиеш.
Алар сине Йәһвәнең шәһәре,Исраилнең Изге Аллаһысының Сионы дип атар.+
15 Сине ташлап китеп нәфрәт иттеләр, сине читләтеп үттеләр,+Ә мин сине мәңгелеккә горурланырлык,
Буыннан-буынга сөенерлек нәрсә итәрмен.+
16 Син халыкларның сөтен имәрсең,+Патшаларның күкрәкләрен имәрсең.+
Син һичшиксез шуны аңларсың: мин, Йәһвә,— синең Коткаручың,Ягъкубның Кодрәтле Аллаһысы — синең Йолып Алучың.+
17 Бакыр урынына мин алтын китерермен,Тимер урынына — көмеш,Агач урынына — бакырҺәм ташлар урынына тимер китерермен.
Күзәтчең итеп — тынычлыкны,Йөкләмә бирүчең итеп тәкъвалыкны билгеләрмен.+
18 Җиреңдә җәбер-золым турында,Чикләрең эчендә җимерү яки һәлакәт турында бүтән ишетмәссең.+
Син диварларыңны Коткару+ һәм капкаларыңны Мактау дип атарсың.
19 Кояш сиңа көндез бүтән яктылык чәчмәс,Айның балкышы яктылык бирмәс.
Чөнки Йәһвә үзе синең өчен мәңгелек яктылык булып китәр,+Аллаһың синең матурлыгың булыр.+
20 Бүтән кояшың баемас,Аең кимемәс,Чөнки Йәһвә үзе синең өчен мәңгелек яктылык булыр,+Хәсрәт кичерү көннәрең бетәр.+
21 Бөтен кешеләрең тәкъва булыр.
Алар бу җиргә мәңгегә ия булыр.
Алар — мин утырткан үсенте,Минем кулларым башкарган эш,+ алар минем бизәгем булыр.+
22 Кечкенәдән мең чыгар,Әһәмиятсездән көчле халык барлыкка килер.
Мин, Йәһвә, моны үз вакытында тизләтермен».
Искәрмәләр
^ Яки «таңыңның ялтыравына».
^ Сүзгә-сүз «Сине».
^ Яки «элеккегечә».
^ Яки «бизәр».
^ Яки «Илтифат күрсәткән».
