Ишагыя 61:1—11
61 Аллаһы Тәгалә Йәһвә миңа үз рухын бирде,+Чөнки Йәһвә мине юашларга яхшы хәбәрне игълан итәргә майлады.+
Ул мине китек күңеллеләрнең яраларын бәйләргә,Әсирләргә азатлык турында,Тоткыннарга күзләренең киң ачылачагы турында хәбәр итәргә җибәрде.+
2 Ул мине Йәһвәнең илтифат күрсәткән елы хакында,Аллаһыбызның үч алу көне турында игълан итәргә,+
Кайгырганнарның барысын юатырга,+
3 Сио́н аркасында хәсрәт кичергәннәргәКөл урынына баш киеме бирергә,Кайгы урынына — шатлык мае,Төшенке рух урынына мактау киеме бирергә җибәрде.
Алар тәкъвалык агачлары дип,Йәһвәнең үзен данлар* өчен утырткан үсемлеге дип аталыр.+
4 Алар борынгы хәрабәләрне,Күптәнге буш урыннарны яңадан торгызыр.+
Алар җимерелгән шәһәрләрне салыр,+Буыннан-буынга ташландык хәлдә яткан урыннарны яңадан торгызыр.+
5 «Чит кешеләр килер һәм сезнең көтүләрегезне көтәр,Чит ил кешеләре+ сезнең игенчеләрегез һәм йөзем үстерүчеләрегез булыр.+
6 Сез исә Йәһвәнең руханилары дип аталырсыз.+
Алар сезне Аллаһыбызның хезмәтчеләре дип атар.
Сез халыкларның байлыгын ашарсыз,+
Аларның даны* белән мактанырсыз.
7 Оят урынына минем халкым җирнең икеләтә өлешен алыр.
Кимсенү урынына алар алган өлешләренә куанып кычкырыр.
Әйе, алар үз җирләрендә икеләтә өлешкә ия булыр.+
Мәңге шатлыкка рәхәтләнер.+
8 Чөнки мин, Йәһвә, гаделлек яратам.+
Талау белән гаделсезлекне нәфрәт итәм.+
Гадел эш итеп, мин аларга тиешлесен бирермен,Алар белән мәңгелек килешү төзермен.+
9 Аларның токымы* — милләтләр арасында,+Нәселе халыклар арасында билгеле булыр.
Аларны күргән һәр кешеАларның Йәһвә фатихалаган токым* икәнен таныр».+
10 Мин Йәһвәдә бик сөенермен.
Җаным Аллаһымда шатланыр,+Чөнки ул миңа коткару киеме кидерде,+Мине тәкъвалык япанчасы белән төрде.
Мин башына руханиныкыдай чалма кигән кияү сыман,+Үзен бизәнү әйберләре белән матурлаган кәләш сыман булдым.
11 Чөнки җир — үсентеләрне,Бакча үзендә чәчелгәнне үстергән кебек,Аллаһы Тәгалә Йәһвә дәБөтен халыклар алдында тәкъвалык+ белән мактауны+ үстерер.