Ишагыя 62:1—12
-
Сионның яңа исеме (1—12)
62 Сио́н хакына мин өнсез,+Иерусалим хакына мин хәрәкәтсез калмам.
Аның тәкъвалыгы көчле яктылыктай балкыганчы,+Аның коткаруы факелдай янганчы шулай булыр.+
2 «И хатын, халыклар — тәкъвалыгыңны,+Бөтен патшалар даныңны күрер.+
Син яңа исем белән,+Йәһвә авызыннан чыккан исем белән аталырсың.
3 Син Йәһвәнең кулында — матурлык таҗы,Аллаһыңның учында патша чалмасы булырсың.
4 Сине бүтән ташланган хатын дип атамаслар,+Җирең инде ташландык дип аталмас.+
Моның урынына сиңа „Анда минем шатлыгым“ дигән исем,+Җиреңә „Ирле“ дигән исем бирерләр;Чөнки Йәһвә синдә куаныч табар,Җирең кияүгә чыккан хатындай булыр.
5 Чөнки яшь кеше гыйффәтле кызга өйләнгәндәй,Үзеңдә яшәүчеләр сиңа өйләнер.Кияү үз кәләшенә карап сөенгәндәй,Аллаһың да сиңа карап сөенер.+
6 И Иерусалим, синең диварларыңа мин сакчылар билгеләп куярмын.
Алар беркайчан да — көндез дә, төнлә дә тынып калмасын.
Сез, Йәһвәне мактаучылар,Үзегезгә ял бирмәгез,
7 Ул Иерусалимны нык урнаштырганчы,Әйе, ул аны җирнең мактавы иткәнче, аңа бернинди ял бирмәгез».+
8 Йәһвә үзенең уң кулын, үзенең көчле кулын күтәреп, ант итте:
«Мин бүтән синең ашлыгыңны дошманнарыңа ризык итеп бирмәм,Чит ил кешеләре дә син авыр эшләп тапкан яңа шәрабыңны эчмәс.+
9 Ләкин ашлыкны җыйганнар аны ашар һәм Йәһвәне мактар.
Йөземне җыйганнар минем изге ишегалларымда шәраб эчәр».+
10 Үтегез, капкалар аша үтегез.
Халык өчен юлны чистартыгыз.+
Салыгыз, олы юлны салыгыз,Ташларын алып куегыз.+
Халыклар өчен билге* күтәреп куегыз.+
11 Менә! Йәһвә җирнең читләренә кадәр игълан итте:
«Кыз Сионга болай диегез:
„Кара! Синең котылуың килә.+
Менә! Аның бүләге үзе белән,Түлисе әҗере үзе алдында“».+
12 Алар Йәһвә тарафыннан йолып алынган изге халык дип аталыр,+Сине «Эзләп табылган» һәм «Ташланмаган шәһәр» дип атарлар.+
Искәрмәләр
^ Яки «билге баганасы».
