Ишагыя 63:1—19
63 Эдомнан+ килүче,Ачык төсле* киемнәр киеп, Босрадан+ килүче кем ул?
Зиннәтле киемнәр киеп,Үзенең бөек көче белән кем килә икән?
«Бу мин, мин гаделлек буенча сөйлим,Минем коткарыр өчен бөек көчем бар».
2 Синең киемең нигә кызыл?
Ни өчен киемнәрең изгечтә йөзем изгән кешенеке сыман?+
3 «Мин берүзем изгечтә* йөзем издем,Минем белән һичкем булмады.
Мин аларны, ачуым чыгып, издем,Аларны ярсуым белән таптадым.+
Киемнәремә аларның каннары чәчрәде,Бөтен киемемне пычраттым.
4 Мин үч алу көнен билгеләдем,+Йолып алынганнарымның елы килде.
5 Мин карадым, ә ярдәм итәрлек берәү дә юк иде.
Мин аптырадым, чөнки беркем дә булышмады.
Шуңа күрә минем кулым коткару* китерде,+Ярсуым мине эш итәргә этәрде.
6 Мин, ачуым чыгып, халыкларны таптадым,Аларга, исергәнче, ярсуымны эчерттем,+Каннарын җиргә түктем».
7 Йәһвә үзенең мәрхәмәте һәм бөек тугры мәхәббәте буенчаБезнең хакка башкарган бар эшләре өчен,Исраи́л йорты хакына эшләгән күп яхшы нәрсәләр өчен,Мин Йәһвәнең тугры мәхәббәттән чыгып кылган эшләрен,+Йәһвәнең мактауга лаек эшләрен телгә алырмын.
8 Ул: «Алар, һичшиксез, минем халкым, хыянәт итмәячәк угыллар»,— диде.+
Шуңа күрә ул аларның Коткаручысы булып китте.+
9 Алар газап чиккәндә, ул да газап чикте.+
Аның шәхси хәбәрчесе* аларны коткарды.+
Мәхәббәтен һәм рәхимлелеген күрсәтеп, ул аларны йолып алды,+Ул аларны күтәрде һәм бөтен үткән көннәрдә алып барды.+
10 Ләкин алар баш күтәреп,+ аның изге рухын кайгыга салды.+
Шунда ул аларның дошманына әверелде+Һәм аларга каршы сугышты.+
11 Алар үткән көннәрне,Аның хезмәтчесе Мусаның көннәрен исләренә төшерде:
«Үз халкын көтүчеләре+ белән бергә диңгез аша үткәргән+ Аллаһы кайда?
Аңа үзенең изге рухын иңдергән+ Аллаһы кайда?
12 Үзенең данлыклы кулы белән Мусаны уң кулыннан җитәкләгән,+Үзенә мәңгелек исем булдырыр өчен,+Алар алдында суларны аерган+ Аллаһы кайда?
13 Алар ачык кырда* чапкан аттайАбынмыйча үтсеннәр өчен,Ярсулы* сулар аша юл ачкан Аллаһы кайда?
14 Мал-туар үзәнгә барып, ял иткән кебек,Йәһвә рухы аларга ял бирде».+
Үзеңә мәһабәт исем булдырыр өчен,+Син халкыңны шулай итеп алып бардың.
15 Күктән аска кара,Изге һәм данлыклы югары торагыңнан күз сал.
Кайда синең ашкынуың һәм куәтең,Кызгануың+ һәм мәрхәмәтең?+
Син аларны миннән яшерәсең.
16 Син безнең Атабыз.+
Ибраһим безне белмәсә дә,Исраил безне танымаса да,Син, и Йәһвә, безнең Атабыз.
Син инде күптән безнең Йолып Алучыбыз.+
17 И Йәһвә, ни өчен син безгә юлларыңнан тайпылырга юл куясың?*
Ни өчен син безгә каты йөрәкле булып китәргә һәм үзеңә курку-хөрмәт күрсәтмәскә ирек бирәсең?+
Үз хезмәтчеләрең хакына,Үз мирасыңның кабиләләре хакына кайта күр.+
18 Синең изге халкың аз вакыт җиргә ия булды.
Дошманнарыбыз изге урыныңны таптады.+
19 Без бик озак син беркайчан да идарә итмәгән,Беркайчан да исемең белән аталмаган халык кебек булдык.
Искәрмәләр
^ Я, бәлки, «Ачык кызыл».
^ Ягъни тагарак формасындагы йөзем изгечтә.
^ Яки «миңа җиңү».
^ Яки «Аның алдыннан килгән фәрештә».
^ Яки «чүлдә».
^ Яки «Тирән».
^ Яки «безне юлларыңнан тайпылдырасың».
