Микай 6:1—16
6 Йәһвә әйткән сүзне тыңлагызчы.
Торып басыгыз, таулар алдында хөкем эшегезне җиткерегез,Калкулыклар тавышыгызны ишетсен.+
2 И таулар, һәм сез, җирнең нык нигезләре,Йәһвәнең хөкем эшен тыңлагыз.+
Чөнки Йәһвәнең үз халкына каршы хөкем эше бар.
Ул Исраилне болай дип гаепләр:+
3 «Халкым, мин сиңа нәрсә эшләдем?
Сине ничек алҗыттым?+
Миңа каршы шаһитлек бир.
4 Мин сине Мисыр җиреннән алып чыктым,+Коллык йортыннан йолып алдым.+
Синең алдыңнан Муса, Һарун һәм Мириамны+ җибәрдем.
5 Халкым, Моа́б патшасы Балакның нәрсә тәкъдим иткәнен+Һәм Бигу́р улы Бильямның аңа нинди җавап кайтарганын хәтерлисеңме?+
Йәһвәнең тәкъва эшләрен белер өчен,Шиттимнән+ Гилгәлгә+ барганда нәрсә булганын искә төшерче».
6 Йәһвә каршына нәрсә белән килим?
Югарыда яшәүче Аллаһыга нәрсә китереп сәҗдә кылыйм?
Аның каршына тулаем яндыру корбаннары,Бер яшьлек бозаулар белән килимме?+
7 Меңләгән сарык тәкәләре,Майның дистәләгән мең агымнары Йәһвәне сөендерерме?+
Фетнәм өчен беренче улымны,Гөнаһым өчен карынымның җимешен биримме?+
8 И кеше, ул сиңа нәрсә яхшы икәнен әйтте.
Йәһвә синнән нәрсә таләп итә?
Ул тик гадел эш итүеңне,+ тугрылыкны сөюеңне,*+Аллаһың юлында* тыйнак+ йөрүеңне тели!+
9 Йәһвәнең тавышы шәһәргә юнәлгән.
Зирәкләр исемеңне тирән хөрмәт итәр.
Җәзалау таягына һәм аны билгеләгән затка игътибар итегез.+
10 Явыз кешенең йортында явызлык кылып алган байлыгыҺәм җирәнү хисе уята торган киметелгән ефа́* һаман да бармы?
11 Үлчәүләрем дөрес булмаса,Букчамда алдавыч таш герләр ятса, мин саф* була алырмынмы?+
12 Аның бай кешеләре җәбер-золым белән тулы,Анда яшәүчеләр ялганны сөйли.+
Авызларындагы телләре мәкерле.+
13 «Шуңа күрә мин сине сугып яралармын,+Гөнаһларың аркасында сине ташландык хәлдә калдырырмын.
14 Ашарсың, әмма туймассың,Эчең буш булыр.+
Яшерерсең, әмма саклый алмассың,Ә саклап калганыңны мин дошманнарыңа бирермен.
15 Чәчәрсең, әмма урмассың.
Зәйтүн җимешен таптарсың, әмма маен кулланмассың.
Яңа шәраб ясарсың, әмма шәраб эчмәссең.+
16 Чөнки сез Әмри́ күрсәтмәләрен үтисез һәм Аха́б йортының бар эшләрен кыласыз,+Сез аларның киңәшләре буенча эш итәсез.
Менә ни өчен мин сезне коточкыч нәрсә итәрмен,Шәһәрдә яшәүчеләрдән көлеп сызгырырлар.+
Халыклар алдында көлкегә калырсыз».+
Искәрмәләр
^ Сүзгә-сүз «Аллаһы белән».
^ Яки «игелекле һәм яратуыңда тугры булуыңны». Сүзгә-сүз «тугры мәхәббәтне яратуыңны».
^ Ә14 кушымт. к.
^ Яки «гаепсез».
