Җырларның җыры 1:1—17
1 Сөләйманның әсәре, җырларның җыры:+
2 «Мине иреннәрең белән үп,Чөнки синең иркәләвең шәрабтан дә татлырак.+
3 Сөртенгән майларыңның тәмле исе күңелемә хуш килә.+
Синең исемең башыма агызылган май күк.+
Шуңа күрә кызлар сине ярата да.
4 Мине үзең белән алып кит; әйдә, качыйк!
Патша мине үзенең эчке бүлмәләренә алып керде!
Әйдә, сөеник, бергәләп шатланыйк.
Назлавың турында шәраб турында сөйләшүгә караганда да күбрәк сөйләшик.
Алар* сине юкка гына яратмыйлар шул.
5 И Иерусалим кызлары! Йөзем кучкыл, шулай да мин матур,Мин Кида́р чатырлары,+ Сөләйман чатырлары төсле.+
6 Кучкыл булуыма текәлеп карамагыз,Чөнки кояш миңа күзләрен сирпеде.
Әниемнең уллары, миңа ачуланып,Йөзем бакчаларын сакларга кушты,Ә үземнең йөзем бакчамны мин сакламадым.
7 Җан сөйгәнем, әйтче миңа,Көтүләреңне кайда көтәсең,+Көндез аларны кайларда ял иттерәсең?
Ник миңа иптәшләреңнең көтүләре арасындаБөркәнчек* ябынган хатындай булырга?»
8 «Әй гүзәлләрнең гүзәле, әгәр дә моны белмәсәң,Көтү эзләреннән бар һәм кәҗә бәтиләреңнеКөтүчеләрнең чатырлары янында көт».
9 «Сөйгән ярым, сине мин фиргавен арбаларына җигелгән сылу бер биягә* охшаттым.+
10 Бизәлгән* йөзең сылу,Муенсалар кидерелгән муеның зифа синең.
11 Синең өчен көмеш белән бизәкләнгәнАлтын бизәкләр* эшләрбез».
12 «Патша үзенең түгәрәк өстәле янында утырганда,Миннән хушбуй*+ исе аңкып тора.
13 Кадерлем минем өчен төннәрен күкрәкләрем арасында яткан
Ми́рра+ савыты күк.
14 Кадерлем Эн-гәди́+ йөзем бакчаларындагыКына* бәйләме кебек».+
15 «Син матур, сөйгәнем минем.
Син шундый гүзәл! Күзләрең күгәрченнеке төсле».+
16 «Син дә матур, кадерлем минем, һәм гаҗәеп.+
Яшел келәм — безнең ятагыбыз.
17 Мәһабәт йортыбызның өрлекләре — эрбет агачлары,Түшәмебез — артыш агачлары.
Искәрмәләр
^ Ягъни кызлар.
^ Яки «Матәм бөркәнчеге».
^ Яки «биямә».
^ Я, бәлки, «Чәч толымнары арасындагы».
^ Яки «боҗралар».
^ Сүзгә-сүз «нард мае».
^ Кызгылт-кара буяу ясала торган үсемлек.
