Җырларның җыры 5:1—16
5 «Үз бакчама кердем мин,+Кардәшем, кәләшем минем.
Ми́рра белән хуш исле үләннәр җыйдым.+
Кәрәзле бал, сыек бал ашадым,Шәраб белән сөт эчтем».+
«Ашагыз, кадерле дуслар!
Эчегез, мәхәббәттән исерегез!»+
2 «Үзем йоклыйм, ә йөрәгем уяу.+
Кадерлемнең шакуын ишетәм!
„Ач миңа, сөйгәнем, кардәшем минем,Күгәрченем, сафкаем* минем!
Башым — чыктан,Чәчләрем төнге дымлылыктан юеш“.+
3 Киемемне салдым —Аны яңадан кииммени?
Аякларымны юдым —Аларны яңадан пычратыйммыни?
4 Кадерлем кулын ишек тишегеннән алды —Күңелем дулкынланып китте.
5 Кадерлемә ачарга дип тордым,Кулларымнан ми́рра,Бармакларымнан ми́рра маеБикнең тоткаларына тамды.
6 Кадерлемә ишекне ачтым,Ләкин ул инде борылып, китеп барган иде.
Ул киткәч, йөрәгем туктап калгандай булды.*
Аны эзләдем, әмма таба алмадым.+
Дәштем, әмма җавап булмады.
7 Миңа шәһәр тирәли йөрүче сакчылар очрады.
Алар мине кыйнап җәрәхәтләде.
Шәһәр стеналары сакчылары шәлемне тартып алды.
8 И Иерусалим кызлары, ант итегез:
Кадерлемне очратсагыз,Сине сөюдән янып көя, диегез».
9 «Әй гүзәлләрнең гүзәле,Синең сөйгәнең башкалардан нәрсәсе белән яхшырак?!
Нәрсәсе белән башкалардан яхшырак соң синең сөйгәнең,Хәтта безне шундый ант бирергә мәҗбүр итәсең?!»
10 «Кадерлем минем күз явын алырлык һәм алсу йөзле,Ун меңнәр арасында да тиңнәр юк аңа.
11 Аның башы алтындай, саф алтындай матур.
Чәчләре пальма ботакларыдай* тибрәлеп тора,Алар козгын канатыдай кара.
12 Күзләре гүя агымсу янындагы күгәрченнәр,Сөттә коенган,Мөлдерәмә тулы сулык* кырыена кунган күгәрченнәр күк.
13 Битләре хуш исле түтәлләр сыман,+Тәмле исле үләннәр үскән калкулыклар шикелле.
Иреннәре ми́рра+ мае тамып торган лалә чәчәкләредәй.
14 Кул бармаклары — хризолит белән бизәлгән алтын.
Эче — сапфир белән бизәлгән шома фил сөяге.
15 Аяклары — саф алтыннан ясалып, нигезләргә утыртылган мәрмәр баганалар.
Буй-сыны аның Лива́н шикелле мәһабәт, эрбет агачлары кебек тиңсез.+
16 Иреннәре* балдай татлы,Һәр яктан ул үзенә җәлеп итәрлек.+
Иерусалим кызлары, менә шундый ул минем кадерлем, сөйгән ярым».
Искәрмәләр
^ Яки «тел тидергесез затым».
^ Я, бәлки, «Ул сөйләгән чакта җаным мине калдырды».
^ Я, бәлки, «финик тәлгәшләредәй».
^ Я, бәлки, «Фонтан».
^ Сүзгә-сүз «Аңкавы».
