Әюп 30:1—31
30 Хәзер исә миннән яшьрәк булганнарМиннән көлә.+
Аларның аталарынКөтүләремне саклаган этләр белән дә куймас идем.
2 Аларның көч-куәтеннән миңа ни файда булды?
Аларның гайрәтләре юкка чыкты.
3 Алар мохтаҗлык белән ачлыктан йончыганнар,Һәлак ителгән һәм калдырылган җирне,Коры җирне кимерәләр.
4 Алар тозлы үләннең яфракларын җыялар,Куакларның тамырлары — аларның ризыгы.
5 Аларны җәмгыятьтән куалар,+Кешеләр аларга каракларга кычкыргандай кычкыра.
6 Алар үзәннәрдәге* тау битләрендә,Җирдәге тишекләрдә һәм кыяларда яши.
7 Куакларда кычкыра,Кычыткан арасында бер-берсенә сыеналар.
8 Акылсызның, мескеннең улларын кугандай,Аларны җирдән камчы белән куганнар.
9 Хәзер исә алар мине җырларында мыскыл итәләр,+Мин алар өчен адәм көлкесе* булып киттем.+
10 Алар миннән җирәнә, якын килми,+Оялмыйча битемә төкерә.+
11 Ходай мине коралсыз* һәм басынкы иткәнгә,Алар минем алдымда йөгәнсез булып киттеләр.
12 Уң ягымда алар өер кебек күтәрелә,Мине качып китәргә мәҗбүр итә,Сукмагыма һәлакәтле киртәләр сала.
13 Алар юлларымны җимерә,Башыма төшкән хәсрәтне арттыра,+Аларны беркем туктата алмый.*
14 Алар стенадагы зур тишек аша кергәндәй керә,Һәлакәт эчендә килә.
15 Дәһшәт мине биләп ала,Дәрәҗәм җил сыман очып китә,Котылуга өметем болыт кебек югала.
16 Җаным түгелеп бара,+Өстемә газаплар ябырыла.+
17 Төнлә сөякләрем сызлый,*+Әрнеткеч газап һич туктамый.+
18 Бөек көчтән киемем ямьсезләнде,*Ул тыгыз яка кыскандай кыса.
19 Ходай мине пычракка батырды,Мин тузан һәм көл сыман булдым.
20 Сиңа ярдәм сорап ялварсам да, дәшмисең,+Бассам, миңа карап кына торасың.
21 Минем белән мәрхәмәтсез эш итәсең,+Бөтен көчең белән миңа ташланасың.
22 Мине җил белән күтәреп алып китәсең,Аннан соң давылда тегендә-монда ыргытасың.*
23 Беләм, син мине гүргә —Яшәүчеләрнең барысы җыелачак йортка иңдерәчәксең.
24 Әмма беркем дә, хәсрәтләнгән кеше бәла кичерепЯрдәм сорап кычкырганда, аңа+ сукмый.
25 Авыр вакытлар* кичергән кешеләр турында мин еламадыммы?
Мин* ярлылар турында кайгырмадыммы?+
26 Мин яхшыга өметләнгән идем, әмма начарлык килде.
Яктылык көткән идем, әмма караңгылык килде.
27 Йөрәгем һич туктамыйча кайный,Кайгылы көннәр килде.
28 Мин боегып йөрим,+ кояш яктысы да юк,Җыенда күтәреләм һәм ярдәм сорап кычкырам.
29 Мин шакаллар кардәшенә,Тәвә кошы кызларының иптәшенә әйләндем.+
30 Тирем каралып купты,+Сөякләрем эсседән* яна.
31 Минем арфа кайгылы тавышлар гына чыгара,Флейтамнан* үкереп елау ишетелә.
Искәрмәләр
^ Яки «елга үзәннәрендәге».
^ Сүзгә-сүз «мәкаль; әйтем».
^ Сүзгә-сүз «җәямнең керешен бушайтканга».
^ Я, бәлки, «Һәм аларга беркемнең ярдәме кирәк түгел».
^ Сүзгә-сүз «сөякләремне бораулап тишәләр».
^ Я, бәлки, «Көчле чирем мине ямьсезли».
^ Я, бәлки, «дөбердәтеп, мине юк итәсең».
^ Яки «көн».
^ Яки «Җаным».
^ Я, бәлки, «кызышып».
^ Яки «Сыбызгымнан».