Әюп 9:1—35
9 Моңа Әюп болай диде:
2 «Мин моның дөрес икәнен беләм.
Әмма Аллаһы белән дәгъвалашкан үлемле кеше хаклы була аламы?+
3 Берәрсенең Аның белән бәхәсләшәсе* килсә,+Ул Аның мең соравының берсенә дә җавап бирә алмас иде.
4 Ул зирәк күңелле һәм бик кодрәтле.+
Кем, зыян күрмичә, аңа каршы тора алсын?+
5 Ул, һичкем белмәгәндә, тауларны күчерә,*Аларны ачуыннан аудара.
6 Ул җирне селкетеп урыныннан кузгата,Шунда аның баганалары селкенә.+
7 Ул кояшка яктыртмаска боера,Йолдызларның яктысын каплый,+
8 Ул күк йөзен үзе җәя,+Диңгездәге биек дулкыннар буйлап атлый.+
9 Ул Әш,* Кәси́л,* Кима́ йолдызлыкларын,*+Көньяк күк йөзенең йолдызлыкларын* булдырган.
10 Ул акыл ирешмәслек һәм бөек эшләр башкара,+Исәпсез-хисапсыз могҗизалар кыла.+
11 Ул янымнан үтә, ә мин аны күрмим;Минем янымнан уза, ә мин аны танымыйм.
12 Ул берәр нәрсә тартып алса, кем аңа каршы чыгар?
Кем аңа: „Ни эшлисең?“ — дияр?+
13 Ходай үз ачуын тыеп тормас,+Хәтта Рәхәбнең*+ ярдәмчеләре дә аның алдында егылыр.
14 Шуңа күрә аңа җавап биргәндә,Аның белән бәхәсләшкәндә, миңа сүзләремне бигрәк тә үлчәп сөйләргә кирәк!
15 Мин, хаклы булсам да, аңа җавап бирмәс идем.+
Хөкемчемнән* шәфкать күрсәтүен генә үтенер идем.
16 Аңа дәшсәм, җавап бирерме?
Мине тыңлаячагына ышанмыйм.
17 Ул бит мине давыл белән изә,Җәрәхәтләремне бер сәбәпсез күбәйтә.+
18 Ул миңа тын алырга да бирми,Ачы кайгы җибәреп тора.
19 Көч-куәт турында әйткәндә, Ходай кодрәтле.+
Гаделлеккә килгәндә, ул: „Кем мине җавапка тартыр?“* — ди.
20 Хаклы булсам да, телем мине хөкем итәр иде;Хәтта сафлыгымны сакласам* да, Ул мине гаепле дип игълан итәр.
21 Хәтта сафлыгымны сакласам* да, үзем белән ни буласын белмим;*Мин үз тормышымнан баш тартам.*
22 Аермасы юк. Менә ни өчен мин:
„Ул гаепсезне дә,* явызны да юк итә“,— дим.
23 Су басу кинәт һәлакәт китерсә,Ул гаепсезләрнең өметсез хәлләреннән көләр иде.
24 Җир явызлар кулына тапшырылган,+Ул хөкем итүчеләрнең күзләрен каплый.
Ул түгел икән, алайса, кем соң?
25 Гомерем чабып баручы кешедән дә тизрәк үтә;+Бер яхшылык та күрмичә үтеп бара көннәрем.
26 Алар камыш көймә сыман шуып бара,Корбаннарына ташланучы бөркетләр кебек оча.
27 Үземә: „Зарымны онытыйм,Чыраемны үзгәртеп, шатлыклы булыйм“,— дисәм,
28 Мине кайгыларым куркытып торыр,+Һәм беләм: син мине гаепсез дип тапмассың.
29 Мин гаепле* булып чыгармын.
Алайса, ник юкка гына көч түгеп торырга?+
30 Кар суы белән юынсам да,Селте белән кулларымны юсам да,+
31 Син мине чокырга батырыр идең,Хәтта үз киемнәрем миннән җирәнер иде.
32 Аңа җавап бирә алыр өчен,Бергә судка барыр өчен, ул минем кебек кеше түгел бит.+
33 Безне хөкем итәрлек,*Безгә хөкемче булырдай беркем юк.
34 Ул мине кыйнаудан туктаса* иде,Дәһшәте белән куркытмаса иде,+
35 Мин аңа курыкмыйча сөйләр идем,Чөнки куркып сөйләү миңа хас түгел.
Искәрмәләр
^ Яки «судлашасы».
^ Яки «алып куя».
^ Сүзгә-сүз «көньякның эчке бүлмәләрен».
^ Бәлки, Үгезбозау йолдызлыгындагы Плеяда йолдызлары.
^ Бәлки, Орион йолдызлыгы.
^ Бәлки, Зур Җидегән йолдызлыгы.
^ Күрәсең, диңгездәге зур җанвар.
^ Я, бәлки, «Дәгъвачымнан».
^ Сүзгә-сүз «судка чакырыр».
^ Яки «гаепсез булсам».
^ Яки «гаепсез булсам».
^ Яки «үз җанымны белмим».
^ Яки «тормышымны нәфрәт итәм; кире кагам».
^ Яки «сафлык саклаганны да».
^ Сүзгә-сүз «явыз».
^ Яки «Арабызда арадашчы».
^ Сүзгә-сүз «өстемнән таягын алып куйса».
