Беренче Елъязма 15:1—29
15 Давыт Шәһәрендә Давыт үзенә йортлар төзеде. Ул Аллаһының килешүе сандыгы өчен урын әзерләде һәм аны урнаштырыр өчен чатыр корды.+
2 Шул вакытта Давыт: «Ле́вилеләрдән башка Аллаһының килешүе сандыгын бүтән беркем дә алып бармасын, чөнки Йәһвәнең килешүе сандыгын йөртү өчен һәм һәрвакыт үзенә хезмәт итү өчен Йәһвә аларны сайлады»+,— диде.
3 Аннары Давыт, Йәһвәнең килешүе сандыгын әзерләнгән урынга китерер өчен, бөтен Исраилне Иерусалимга җыйды.+
4 Давыт Һарунның токымнарын+ һәм ле́вилеләрне+ җыйды.
5 Менә алар: коһатлылар арасыннан башчы Урии́л һәм аның 120 туганы,
6 мерарилылар арасыннан башчы Асая́+ һәм аның 220 туганы,
7 гирсәмлеләр арасыннан башчы Йәи́л+ һәм аның 130 туганы,
8 Илисафанның+ токымнары арасыннан башчы Шемая́ һәм аның 200 туганы,
9 Хебрунның токымнары арасыннан башчы Илья́л һәм аның 80 туганы,
10 Узиилнең+ токымнары арасыннан башчы Аминада́б һәм аның 112 туганы.
11 Давыт шулай ук руханилар Сады́йк+ белән Әбьятәрне,+ ле́вилеләр Уриил, Асая, Йәил, Шемая, Ильял һәм Аминадабны чакырып,
12 аларга болай диде: «Сез ле́вилеләрнең нәсел башлыклары. Үзегезне изгеләндерегез, туганнарыгыз да үзләрен изгеләндерсен. Һәм Исраи́л Аллаһысы Йәһвәнең килешүе сандыгын мин әзерләп куйган урынга китерегез.
13 Аны баштан ук сез китермәгәнгә,+ Йәһвә Аллаһының безгә каршы ачуы кабынды,+ чөнки без моны ничек дөрес эшләргә кирәк икәнлеген тикшермәгән идек».+
14 Шунда руханилар һәм ле́вилеләр, Исраил Аллаһысы Йәһвәнең килешүе сандыгын китерер өчен, үзләрен изгеләндерде.
15 Аннары ле́вилеләр, Йәһвәнең Муса аша әйткән боерыгы буенча, Аллаһының килешүе сандыгын колгаларыннан күтәреп иңбашларына салдылар да алып киттеләр.+
16 Давыт ле́вилеләрнең башчыларына үзләренең җырчы туганнарын төрле музыка коралларына: кыллы уен коралларына, арфаларга+ һәм кимвалларга+ кушылып, шатлык-сөенеч белән җырларга билгеләргә кушты.
17 Шунда ле́вилеләр Йәил улы Химанны,+ аның туганнарыннан Бирәхи́ улы Асафны,+ шулай ук кан кардәшләре мерарилылар арасыннан Куша́й улы Итанны+ билгеләделәр.
18 Алар белән бергә шулай ук икенче төркемгә кергән туганнары да бар иде:+ Зәкәрия́, Бин, Язи́л, Шәмираму́т, Яһии́л, Унни́, Илиа́б, Бина́й, Маасия́, Маттафия́, Әлфәли́х, Микния́х һәм капка сакчылары Оби́д-эдо́м белән Яи́л.
19 Җырчылар Хима́н,+ Аса́ф+ һәм Итанны бакыр кимваллар кагу өчен,+
20 Зәкәрия, Әзии́л, Шәмирамут, Яһиил, Унни, Илиаб, Маасия һәм Бинайны аламутка*+ көйләнгән кыллы уен коралларында уйнау өчен,
21 шулай ук Маттафия,+ Әлфәлих, Микниях, Обид-эдом, Яил һәм Әзазияһне шеминитка*+ көйләнгән арфа уйнау өчен музыка җитәкчеләре итеп билгеләделәр.
22 Ле́вилеләрнең башчысы Кинания́һ,+ тәҗрибәсе булганга, килешү сандыгын күчерү өчен,
23 ә Бирхия́һ белән Илкана́ килешү сандыгын күзәтү өчен җаваплы иделәр.
24 Руханилар Шәбани́, Йошафа́т, Нитани́л, Амаса́й, Зәкәрия, Бинай һәм Илгазә́р Аллаһының килешүе сандыгы алдында яңгыратып быргы уйнады.+ Обид-эдом белән Яхә́й дә килешү сандыгын күзәтү өчен җаваплы иделәр.
25 Шуннан соң Давыт, Исраил өлкәннәре һәм меңбашлары бергәләшеп шатлана-шатлана Йәһвәнең килешүе сандыгын Обид-эдомның йортыннан+ алып кайтырга киттеләр.+
26 Йәһвә үзенең килешүе сандыгын алып барган ле́вилеләргә булышканга, алар корбанга җиде үгез-бозау һәм җиде сарык тәкәсе китерде.+
27 Давытның өстендә нәфис тукымадан тегелгән җиңсез күлмәк иде. Килешү сандыгын күтәреп барган ле́вилеләр, җырчылар, күчерү эше өчен һәм җырчылар өчен җаваплы Кинанияһ тә шул рәвешчә киенгәннәр иде. Давытның өстендә шулай ук җитен ефод та бар иде.+
28 Йәһвәнең килешүе сандыгын алып барганда, бөтен исраиллеләр шатлыклы аваз салып,+ быргылар һәм мөгез быргы кычкыртып,+ кимваллар кагып, кыллы уен коралларында һәм арфа уйнап бардылар.+
29 Йәһвәнең килешүе сандыгын Давыт Шәһәренә алып кергәндә,+ Шаулның кызы Милхәлә́+ тәрәзәдән карап тора иде. Давыт патшаның сикереп биеп барганын күргәч, ул аңа күңеленнән кимсетеп карый башлады.+
