Беренче көринтлеләргә 12:1—31
12 Кардәшләр, рухи бүләкләр+ турында белми калуыгызны теләмим.
2 Башка халык кешеләре* булып яшәгәндә, сез телсез потларга табындыгыз+ һәм алар теләгәнне эшләдегез.
3 Шуны аңлагыз: Аллаһы рухы белән сөйләүче беркем дә: «Гайсәгә ләгънәт!» — димәс, һәм кешенең изге рухы булмаса, ул: «Гайсә — Хуҗабыз!» — дип әйтә алмас.+
4 Бүләкләр төрле була, әмма рух шул ук.+
5 Хезмәтнең дә төрле төрләре бар,+ әмма Хуҗабыз шул ук.
6 Гамәлләр дә төрле була, әмма һәркемдә аларның барысын башкаручы Аллаһы шул ук.+
7 Рух һәркемдә ачык күренә, һәм ул берәр файдалы максат белән бирелә.+
8 Берәүгә рух аша зирәк сүзләр,* икенчесенә шул ук рух аркылы белемле сүзләр бирелә.
9 Башка берәүгә шул ук рух аша иман,+ ә икенче берәүгә шул ук рух аша дәвалау сәләте* бирелә.+
10 Кемгәдер кодрәтле эшләр башкару,+ кемгәдер пәйгамбәрлек итү, кемгәдер иңдерелгән сүзләрне аера белү,+ кемгәдер төрле телләрдә сөйләү,+ кемгәдер телләрне аңлата белү сәләте бирелә.+
11 Әмма боларның барысын бер үк рух башкара һәм бу сәләтләрне һәркемгә үзе теләгәнчә бирә.
12 Тән бер булса да, аның әгъзалары күп, һәм бу тәннең әгъзалары күп булса да, алар барысы бер тән.+ Мәсих тә шулай.
13 Яһүдләр дә, греклар да, коллар да, иреклеләр дә — һәммәбез бер рух белән бер тәнгә чумдырылу үттек, һәм барыбызга да эчәргә бер ук рух бирелде.
14 Тән бит бер әгъзадан түгел, ә күп әгъзалардан тора.+
15 Аяк: «Әгәр мин кул түгел икән, ул чакта мин тәннеке түгел»,— дисә дә, бу ул тәннең өлеше түгел дигәнне аңлатмый.
16 Колак: «Әгәр мин күз түгел икән, ул чакта мин тәннеке түгел»,— дисә дә, бу ул тәннең өлеше түгел дигәнне аңлатмый.
17 Әгәр бөтен тән күз булса, ничек ишетә алыр иде? Әгәр бөтен тән колак булса, ничек ис сизә алыр иде?
18 Әмма Аллаһы һәр тән әгъзасын үзе теләгәнчә урнаштырган.
19 Әгәр дә алар барысы бер әгъза булса, тән — тән булыр идеме?
20 Әмма әгъзалар күп, ә тән бер.
21 Күз кулга: «Миңа кирәгең юк»,— дип, яки баш аякларга: «Миңа кирәгегез юк»,— дип әйтә алмый.
22 Киресенчә, тәннең зәгыйфьрәк күренгән әгъзалары чынында кирәкле,
23 һәм кайбер тән өлешләре аз хөрмәткә ия дип уйласак та, без аларга күбрәк хөрмәт күрсәтәбез,+ һәм шулай итеп әллә ни күркәм булмаган тән өлешләребезгә күбрәк ихтирам күрсәтелә,
24 ә күркәм тән өлешләребез бернәрсәгә дә мохтаҗ түгел. Шулай да Аллаһы тәнне аның хөрмәткә мохтаҗ булган өлешләренә күбрәк хөрмәт күрсәтеп булдырган.
25 Моны ул тәндә бүленешләр булмасын өчен һәм бөтен әгъзалар бер-берсе турында кайгыртсын+ өчен эшләгән.
26 Тәннең бер әгъзасы җәфаланса, барлык әгъзалар да аның белән бергә җәфа чигә,+ һәм бер әгъза данланса, барлык әгъзалар да аның белән бергә шатлана.+
27 Сез — Мәсихнең тәне,+ ә һәрберегез — аның тәненең әгъзасы.+
28 Һәм Аллаһы үз җыелышында әгъзаларны болай итеп билгеләгән: беренчедән, рәсүлләр;+ икенчедән, пәйгамбәрләр;+ өченчедән, өйрәтүчеләр;+ аннан соң кодрәтле эшләр башкаручылар;+ аннан соң дәваларга сәләтле кешеләр;+ ярдәм күрсәтүчеләр, идарә итәргә сәләтле кешеләр+ һәм төрле телләрдә сөйләшүчеләр.+
29 Барысы да рәсүлме? Барысы да пәйгамбәрме? Барысы да өйрәтүчеме? Барысы да кодрәтле эшләр башкарамы?
30 Барысы да дәваларга сәләтлеме? Барысы да төрле телләрдә сөйләшәме?+ Барысы да тәрҗемәчеме?+
31 Ә сез зуррак сәләтләр алырга омтылыгыз.+ Мин исә сезгә иң яхшы юл күрсәтермен.+