Беренче көринтлеләргә 6:1—20
6 Арагызда каршылык тугач,+ ничек сез изгеләр алдында түгел, ә тәкъва булмаганнар алдында хөкем ителергә батырчылык итәсез?
2 Дөньяны изгеләр хөкем итәчәк бит.+ Әллә моны белмисезме? Ә дөньяны сез хөкем итәчәксез икән, ул вакытта мөһим булмаган эшләрне хәл итү көчегездән килмимени?
3 Без бит фәрештәләрне хөкем итәчәкбез.+ Әллә моны белмисезме? Ни өчен соң, алайса, кешеләр арасындагыны хәл итмәскә?
4 Ә инде кешеләр арасындагыны хәл итәргә кирәк булганда,+ ни өчен соң сез хөкемчеләр итеп җыелыш хупламаган кешеләрне куясыз?
5 Сезгә оят булсын дип әйтәм. Әллә кардәшләр арасындагыны хәл итәрлек акыллы кешегез юкмы?
6 Бер кардәш икенчесе белән судлаша, җитмәсә, судлашырга имансызлар янына бара!
7 Бер-берегез белән судлашу — сезнең өчен инде җиңелү бит. Ни өчен сезгә рәнҗетелгән булып калмаска?+ Ни өчен сезгә алданган булып калмаска?
8 Ә сез үзегез рәнҗетәсез һәм алдыйсыз, кардәшләрегез белән дә үзегезне шулай тотасыз!
9 Тәкъва булмаган кешеләр Аллаһы Патшалыгын мирас итеп алмаячак, әллә моны белмисезме?+ Алданмагыз. Фәхеш кешеләр* дә,+ потка табынучылар да,+ хыянәтчеләр дә,+ табигый булмаган җенси мөнәсәбәтләр өчен кулланыла торган ир-атлар да,+ ир-ат белән якынлык кылучы ир-атлар да,+
10 караклар да, комсызлар да,+ эчкечеләр дә,+ башкаларны хурлаучылар да, талаучылар да Аллаһы Патшалыгын мирас итеп алмаячак.+
11 Әйе, кайберләрегез шундый иде. Әмма Аллаһы сезне Хуҗабыз Гайсә Мәсих исеменнән үз рухы белән юып чистартты,+ изгеләндерде,+ тәкъва дип игълан итте.+
12 Миңа бар нәрсә рөхсәт ителә, әмма кайбер нәрсә файдалы түгел.+ Миңа бар нәрсә рөхсәт ителә, әмма бернәрсәгә дә үз өстемнән хакимлек итәргә рөхсәт итмәм.
13 Ризык — карын өчен, ә карын — ризык өчен, әмма Аллаһы тегесен дә, монысын да юк итәчәк.+ Тән исә фәхешлек* өчен түгел, ә Хуҗабыз өчен,+ Хуҗабыз да тән өчен.
14 Аллаһы, үз кодрәтен кулланып,+ Хуҗабызны үледән терелткән+ һәм безне дә терелтәчәк.+
15 Тәннәрегез — Мәсихнең әгъзалары, әллә моны белмисезме?+ Шулай булгач, әллә мин, Мәсихнең әгъзаларын алып, аларны фахишә әгъзалары итәрменме? Һич тә юк!
16 Фахишә белән кушылучы аның белән бер тән булып китә, әллә моны белмисезме? Чөнки Аллаһы: «Икесе бер тән булыр»,— ди.+
17 Ә Хуҗабыз белән кушылучы аның белән бер рухта.+
18 Фәхешлектән* качыгыз!+ Кеше кылган башка берәр гөнаһ аның тәненә турыдан-туры бәйле түгел, ә фәхешлек кылучы үз тәненә каршы гөнаһ кыла.+
19 Сезнең тәнегез — Аллаһыдан бирелгән сездәге изге рухның гыйбадәтханәсе+ икәнен әллә белмисезме?+ Һәм сез үзегезнеке түгел,+
20 чөнки сез кыйбат хакка сатып алындыгыз.+ Шуңа күрә тәннәрегез+ белән Аллаһыны данлагыз.+
