УЯУ ТОРЫГЫЗ!
Бөтен дөнья буенча кораллы һөҗүмнәр саны арта. Изге Язмаларда нәрсә әйтелә?
2022 елның июль аенда ату коралы кулланылган коточкыч җинаятьләр турында хәбәрләр иреште:
«Япониядәге яхшы билгеле булган сәясәтчене [элеккеге премьер-министр Синдзо Абэны] үтерү илдәге кешеләрне хафага төшерде. Бар илләрдә диярлек кешеләр шок кичерде, чөнки илдә [Япониядә] көч кулланып җинаять кылу саннары түбән, ә ату коралларына кагылышлы законнар бик кырыс» (The Japan Times, 10 июль, 2022 ел).
«Дания шок кичерә: Копенгагендагы супермаркетта коралланган кеше 3 кешене атып үтергән» (Reuters, 4 июль, 2022 ел).
«Көньяк Африка: Соуэтода коралланган бер төркем барда 15 кешене атып үтергән» (The Guardian, 10 июль, 2022 ел).
«4 июль, бәйрәм көнендә, Кушма Штатларда 220 дән артык кеше атып үтерелгән булган» (CBS News, 5 июль, 2022 ел).
Андый коточкыч хәлләр кайчан да булса бетәрме? Изге Язмаларда нәрсә әйтелә?
Җәбер-золым бүтән булмаячак
Изге Язмаларда безнең көннәр «соңгы көннәр» дип атала. Шул көннәрдә кешеләр үзләрен ерткычларча тота, алар ачу тулы һәм мәрхәмәтсез диелә (2 Тимутигә 3:1, 3). Моның аркасында кешеләр куркып яши (Лүк 21:11). Әмма Изге Язмаларда җәбер-золым бүтән булмаячак дип тә әйтелә. Кешеләр «тынычлык хөкем сөргән урыннарда, куркынычсыз җирләрдә һәм имин торакларда яшәр» (Ишагыя 32:18). Җәбер-золым ничек юк ителәчәк?
Аллаһы явызларны һәм сугыш коралларын юк итәчәк.
«Явызлар җирдән юк ителәчәк» (Гыйбрәтле сүзләр 2:22).
«Ул [Аллаһы] бөтен җирдә сугышларны туктата, җәяне сындыра, сөңгене чәрдәкли, хәрби арбаларны утта яндыра» (Зәбур 46:9).
Аллаһы кешеләрне тыныч-тату яшәргә өйрәтү аша җәбер-золымны бетерер.
«Алар минем бөтен изге тавымда бернинди зыян китермәс һәм бернәрсә дә җимермәс, чөнки, диңгез сулар белән тулы булган кебек, җир, һичшиксез, Йәһвә турындагы белем белән тулыр» (Ишагыя 11:9).
Инде хәзер Аллаһы бөтен җир йөзе буйлап кешеләрне көч һәм сугыш коралын кулланмаска өйрәтә. «Алар үз кылычларыннан чүкеп — төрәннәр, сөңгеләреннән бакча пычаклары ясар»,— дип әйтелә аның Сүзендә (Микай 4:3).
Куркусыз дөнья хакындагы Изге Язмаларның вәгъдәсе турында күбрәк белер өчен, «Мир, где не будет страха» дигән мәкаләне карагыз.
Җәбер-золымның мәңгегә юк ителәчәге турында күбрәк белер өчен, «Наконец мир на земле!» дигән мәкаләне карагыз.
Сезгә бу да ошардыр
РУХИ СОРАУЛАРГА ҖАВАП
Изге Язмаларда безнең заман кешеләре турында нинди пәйгамбәрлек язылган?
Изге Язмаларда кешеләр начарланганнан начарлана барачаклар дип алдан әйтелгән булган.
ИЗГЕ ЯЗМАЛАР ТӘГЪЛИМАТЛАРЫ
Ни өчен Аллаһы газапларны рөхсәт итә?
Күпләрне «ник дөнья нәфрәт һәм газаплар белән тулы?» дигән сорау кызыксындыра. Изге Язмалардан канәгатьләндерерлек һәм юатырлык җавап алып була.
РУХИ СОРАУЛАРГА ҖАВАП
Өмет белән яшәр өчен нигез бармы?
Ышанычка лаек чыганак тормышыгызны инде хәзер яхшы якка үзгәртә ала. Ул сезгә киләчәккә өмет бирә ала.
ИЗГЕ ЯЗМАЛАР ТОРМЫШНЫ ҮЗГӘРТӘ
Мин мылтыгымны читкә куйдым
Изге Язмалардагы юатучы хәбәр Синдига үз ачулы холкын үзгәртергә булышкан. Сезне моны карарга чакырабыз.
«КҮЗӘТҮ МАНАРАСЫ»
Көч кулланудан азат дөнья мөмкинме?
Кайбер мәрхәмәтсез кешеләр үзгәрә алган. Аларны үз тормышларында зур үзгәрешләр ясарга дәртләндергән нәрсәләр башкаларга да булыша ала.
БЕЗНЕҢ ТУРЫНДА
Йәһвә Шаһитләренең килүен сорагыз
Сорауларыгызга Изге Язмалардан җавап белегез яисә Йәһвә Шаһитләре турында күбрәк белегез.
