НИ ӨЧЕН БУ МӨҺИМ? Социаль челтәрләр, төрле корал кебек, файдалы яисә зыянлы була ала. Кайбер мәсихчеләр социаль челтәрләр белән бөтенләй кулланмаска карар иткән. Ә башкалары туганнары һәм дуслары белән генә аралашыр өчен куллана. Әгәр дә сак булмасак, абруебызны һәм Аллаһы белән мөнәсәбәтләребезне боза алабыз, ә бу Иблисне сөендерәчәк кенә. Аллаһы Сүзендәге принциплар безгә дә, Гайсәгә кебек, куркынычны алдан күреп качарга ярдәм итәчәк (Лк 4:4, 8, 12).

ТОЗАКЛАР

• Вакыт карагы. Социаль челтәрләрдә сәгатьләр буена утырып, без рухи эшләр өчен бүлеп куя алган вакытыбызны әрәм итәбез

  Изге Язмалардагы принциплар: Эф 5:15, 16; Фп 1:10

• Эчтәлеге шикле булган материаллар. Әдәпсез сурәтләр һәм видеолар карау порнография карауга һәм әхлаксызлыкка китерә ала. Мөртәтләрнең сайтларын яисә блокларын уку иманыбызны җимерә ала

  Изге Язмалардагы принциплар: Мт 5:28; Фп 4:8

• Әдәпсез комментарийлар һәм фотографияләр. Мәкерле йөрәк кешене социаль челтәргә әдәпсез язулар һәм фотографияләр кертергә этәрә ала. Әмма бу кешенең абруен һәм иманын җимерергә мөмкин

  Изге Язмалардагы принциплар: Рм 14:13; Эф 4:29

«СОЦИАЛЬ ЧЕЛТӘР ЯТЬМӘГӘ ӘЙЛӘНМӘСЕН!» ДИГӘН ВИДЕОРОЛИКНЫ КАРАП, МОНДЫЙ ХӘЛЛӘРДӘН НИЧЕК КАЧЫП БУЛГАНЫ ТУРЫНДА УЙЛА