Мәхәббәтне җилем белән чагыштырып була. Ул бөтен гаиләне берләштерә. Мәхәббәт булмаса, гаиләдә бердәмлеккә һәм яхшы хезмәттәшлеккә ирешү авыр. Ирләр, хатыннар һәм ата-аналар мәхәббәтне ничек күрсәтә ала?

Яратучан ир хатынының ихтыяҗларына, карашларына һәм хисләренә игътибарлы була (Эф 5:28, 29). Ул гаиләсен матди яктан тәэмин итә һәм рухи яктан кайгырта, шул исәптән регуляр рәвештә гаилә белән гыйбадәт кылу кичен үткәрә (1Тм 5:8). Яратучан хатын иренә буйсына һәм ирен «тирән хөрмәт итә» (Эф 5:22, 33; 1Пт 3:1—6). Ир белән хатын бер-берсен ихластан кичерергә тиеш (Эф 4:32). Яратучан ата-аналар балаларының һәрберсенә аерым игътибар күрсәтә һәм аларны Йәһвәне яратырга өйрәтә (Кн 6:6, 7; Эф 6:4). Балалар мәктәптә нинди авырлыкларга очрый? Алар яшьтәшләрнең басымына каршы тора аламы? Гаиләдә мәхәббәт хөкем сөрсә, барысы үзләрен тыныч-имин хис итә.

«МӘХӘББӘТ МӘҢГЕЛЕК ИКӘНЕН ГАИЛӘҢДӘ КҮРСӘТ» ДИГӘН ВИДЕОРОЛИКНЫ КАРАП, КИЛӘСЕ СОРАУЛАРГА ҖАВАП БИРЕГЕЗ:

• Ничек итеп яратучан ир үз хатынын «тукландыра һәм аның хакында наз белән кайгырта»?

• Ничек итеп яратучан хатын үз иренә «тирән хөрмәт» күрсәтә?

• Ничек итеп яратучан ата-аналар үз балаларын Изге Язмалар буенча яшәргә өйрәтә ала?