Озакламый Йәһвәнең бу дөньяга карата сабырлыгы бетәчәк. Ялган дин юк ителәчәк, халыклар берләшмәсе Аллаһы халкына һөҗүм итәчәк, һәм Йәһвә явызларны Армагеддонда һәлак итәчәк. Мәсихчеләр бу вакыйгаларны түземсезлек белән көтә.

Әлбәттә, без бөек афәткә кагылышлы бар нечкәлекләрне белмибез. Мәсәлән, без аның кайчан башланачагын, ни өчен хөкүмәтләр ялган дингә һөҗүм итәчәген, халыкларның Аллаһы халкына һөҗүме күпме дәвам ителәчәген һәм ниндирәк булачагын, шулай ук Йәһвәнең явызларны Армагеддонда ничек итеп юк итәчәген төгәл белмибез.

Шулай да, без киләчәктәге вакыйгаларны иман һәм кыюлык белән көтә алсын өчен, Изге Язмаларда бар кирәкле мәгълүмат бар. Мәсәлән, безгә шул билгеле: без «соңгы көннәрнең» ахырында яшибез (2Тм 3:1); диннәргә һөҗүм кыскартылачак, һәм хак дин юк ителмәячәк (Мт 24:22); Йәһвә үз халкын коткарачак (2Пт 2:9); явызларны юк итәчәк һәм бихисап күп кешене Армагеддонда саклап калачак Шәхес — Гайсә — тугры һәм хак (Ач 19:11, 15, 16).

Киләчәктәге вакыйгалар аркасында кешеләр «куркудан аңнарын югалтачак». Ләкин без Йәһвәнең үткәндә үз халкын коткарыр өчен кылган эшләрен һәм киләчәктә нәрсә булачагын беләбез. Моның турында укып һәм уйланып, без тураеп басып, башыбызны күтәрә алабыз, чөнки котылуыбыз якынлашып килгәнен беләбез (Лк 21:26, 28).