Аллаһы безне яратамы?
Беренче кисәк
Аллаһы безне яратамы?
1, 2. Кешеләр Аллаһы турында нинди сорау бирә, һәм ни өчен?
«БЕЗНЕ яратучы Аллаһы булса, ул шулхәтле күп газапларга юл куяр идеме?» — дип, синең дә сораганың бардыр. Газап чикмәгән кеше юктыр.
2 Кешелек тарихы кайгы-хәсрәт белән тулы. Моның сәбәбе: сугышлар, рәхимсезлек, җинаять, гаделсезлек, хәерчелек, авырулар һәм якын кешеләрнең үлеме. ХХ гасырда гына сугышларда 100 миллионнан артык кеше үтерелгән, йөзләрчә миллионнар яраланган яки йортларын һәм мал-туарларын югалтканнар. Безнең көннәрдә дә күп санлы коточкыч вакыйгалар аркасында кешеләр кайгыра, елый һәм өметсезлеккә бирелә.
3, 4. Күп кешеләр Аллаһының газапларны рөхсәт итүе турында нәрсә әйтә?
3 Кайберәүләр явызланып китә һәм: «Аллаһы булса да, ул безне яратмый»,— диләр. Яки алар Аллаһы юк дигән нәтиҗәгә киләләр. Бер ир-ат беренче бөтендөнья сугышында, этник эзәрлекләүләр аркасында, үз гаиләсен һәм дусларын югалткан. «Безгә Аллаһы кирәк булганда, ул кайда иде?» — дип сорый ул. Ә башка бер кеше икенче бөтендөнья сугышы вакытында нацистлар миллионлаган кешене үтергәндә исән калган. Ул күп газап күргән һәм: «Сез минем йөрәгемне ялый алсагыз, агуланган булыр идегез»,— ди.
4 Әйе, күп кеше: «Ни өчен игелекле Аллаһы начарлыкка юл куя?» — дип гаҗәпләнә. Һәм хәтта: «Аллаһы бармы? Булса, ул безне яратамы?» — дип сорый алар. Күпләр кеше һәрвакыт газап чигеп яшәячәк дип уйлый.
[Өйрәнү өчен сораулар]
[2, 3 биттәге иллюстрация]
Газаплардан азат ителгән яңа дөнья якынмы?
