Яһүдләрнең телдән әйтелгән кануннар һәм йолалар җыентыгы. Анда шулай ук Муса язган Канунга аңлатулар керә. Бу кануннар һәм йолалар бер җыентык итеп б. э. III гасыры башында язылган булган.

Мишна дигән исем «кабатлау» һәм «өйрәтү» дигән мәгънә белдерүче еврей сүзеннән килеп чыккан. Яһүд динен тотучылар ышануы буенча, Аллаһы Мусага Синай тавында ике төрле: телдән әйтелгән һәм язылган күрсәтмәләр биргән. Соңрак Мишна нигезендә Талмуд язылган булган.

Мишна Изге Язмаларга өстәмә булып тора дип санасалар да, чынлыкта ул киресен эшли: Аллаһының кануннарын һәм принципларын кеше уйлап чыгарган кагыйдәләр һәм йолалар «тавы» астында «күмә» (Мк 7:1, 13). Изге Язмаларны тикшерүчеләр өчен Мишна тарих ягыннан кызыклы. Ул Изге Язмаларның төрле өзекләре нинди шартларда язылганын аңларга булыша, шулай ук яһүдләрнең борынгы йолаларын һәм Аллаһы исеменә карата карашын аңлата.