Ego. Ruhanga afaaho abaheereza be abanyakurwaire. Baibuli egamba eti ha muheereza wa Ruhanga omwesigwa: “[Yahwe] alimuhumuza ha kitabu ekyokusasa.” (Zabuli 41:3) Obworaaba oine oburwaire obutarukukira, ebintu binu bisatu nibisobora kukukonyera kugumiisiriza:

1.   Saba Ruhanga akuhe amaani g’okugumiisiriza. N’osobora kutunga ‘obusinge bwa Ruhanga oburukukira okumanywa kwona,’ obusobora kukehya okwetuntura okwoine kandi bukakuhuumuza.​—Abafiripi 4:6, 7.

2.   Ba n’entekereza enungi. Baibuli egamba eti: “Kwikara osemeriirwe kikukonyera kuba n’obwomeezi oburungi. Kwikara obihiirwe kikuleetera kufa mporampora.” (Enfumo 17:22, Good News Translation) Lengaho kwikara osemeriirwe habwokuba nikiija kukukonyera kwikara oine obwomeezi oburungi.

3.   Gumya okunihira kwawe okw’obusumi obw’omu maiso. Okunihira okugumire nikusobora kukukonyera kutunga okusemererwa n’obw’oraaba oine oburwaire obutarukukira. (Abarumi 12:12) Baibuli ebazaaho akasumi nambere omuntu wena ‘ataligamba ati: ‘Ndi murwaire.’ (Isaya 33:24) Omu kasumi ako, Ruhanga alikiza oburwaire obutarukukira obulemere n’abanyasayansi. Ekyokurorraho, Baibuli ebazaaho eti omulingo abakuzire baligaruka bafooke bato: “Omubirigwe guliba muhyaka okukira ogwomwana omuto; Agaruka omu biro ebyobutobwe.”​—Yobu 33:25

 Okumanyisibwa: N’obukiraaba ngu nk’Abakaiso ba Yahwe twikiririza omu bukonyezi bwa Ruhanga, obuturwara tuserra obujanjabi. (Marako 2:17) Baitu tituhambiriza abantu kwikiriza obujanjabi obumu, habwokuba tukimanyire ngu buli muntu asemeriire kwekorra encwamu obukirukuhika ha bujanjabi.