Nk’Oku Yahandiikirwe Luka 3:1-38
3 Omu mwaka ogwa ikumi na itaano ogw’obulemi bwa Tibberiyo Kaisaali, Pontio Pirato obu akaba naalema Buyudaaya, Herodi ali mulemi w’isaza lya Galiraaya, mugenzi we Firipo naalema isaza ly’ihanga erya Ituliya na Tirakoniti, kandi Lusaniya obu akaba ali mulemi w’isaza lya Abilene,
2 omu kasumi ka nyakatagara omukuru Anasi na Kayaafa, ekigambo kya Ruhanga kikaizira Yohana mutabani wa Zakaliya omu irungu.
3 Yagenda omu nsi zoona ezikaba zetoroire Yorudaani, naatebeza abantu ngu babatizibwe nk’akokurorraho akarukwoleka ngu begarukiremu nukwo baganyirwe ebibi,
4 nk’oku kyahandiikirwe omu kitabu kya nabbi Isaya kiti: “Iraka ly’ogu arukwamirra omu irungu naagamba ati: ‘Muteekanize omuhanda gwa Yahwe, muteerekereze emihanda ye.
5 Buli kihanga kisemeriire kwijuzibwa, kandi buli rusozi n’obusozi biteerekerezebwe, emihanda eramaire esemeriire kuteerekerezebwa, n’emihanda emibi esemezebwe;
6 kandi abantu boona balirora okujunwa kwa Ruhanga.’”
7 Nubwo yatandika kugambira ekitebe ky’abantu abakaba baizire ababatize ati: “Inywe abaana ab’enjoka ez’obusegwa,* nooha abahabwire kwiruka ekiniga ekirukwija?
8 Nahabweki, mwane ebyana* ebirukwoleka ngu mwegarukiremu. Mutatandika kwegambira ngu, ‘Iburahimu nuwe isiitwe.’ Baitu nimbagambira nti, Ruhanga naasobora kwimukiza Iburahimu abaana kuruga omu mabaale ganu.
9 Mali, endemu* etairwe ha mihama y’emiti. Kandi omuti gwona ogutarukwana ebyana ebirungi, nigwija kutemwa gunagwe omu murro.
10 Kandi abantu baamukaguza bati: “Hati, kiki eki tusemeriire kukora?”
11 Yabagarukamu ati: “Omuntu anyakwine ebijwaro bibiri agabire mutaahi we ataine, kandi anyakwine ebyokulya na uwe agabire abatabiine.”
12 N’abasorooza b’omusoro baija nambere ali ababatize kandi baamukaguza bati: “Mwegesa, kiki eki tusemeriire kukora?”
13 Yabagarukamu ati: “Mutasaba sente ezirukuhingura ha z’omusoro.”
14 N’abo abarukuheereza omu mahe baamukaguza bati: “Kiki eki tusemeriire kukora?” Yabagambira ati: “Mutatwaza kubi omuntu weena* kandi mutahangirra omuntu weena, baitu mumarwe omusaara gwanyu.”
15 Habwokuba abantu bakaba nibanihira okwija kwa Kristo, baatandika kwekaguza omu mitima yabo ebirukukwata hali Yohana bati: “Onu naasobora kuba nuwe Kristo?”
16 Yohana yabagarukamu ati: “Nyowe nimbabatiza n’amaizi; baitu ogu arukunkira obusobozi naija kandi tikinsemeriire kusumurra obuguha bw’enkaito ze. Ogu alibabatiza n’omwoyo ogurukwera hamu n’omurro.
17 Omu ngaro ze akwasire orugali orw’okusegesa,* kusemereza kimu ezigati ey’okusegeseraho, kandi asorooze engano agite omu nguli ye,* baitu ebisunga naija kubyokya n’omurro ogutasobora kuzima.”
18 Haroho n’ebindi bingi ebi yabatereriire kandi yagumizaamu naagambira abantu amakuru amarungi.
19 Baitu habwokuba akahana Herodi omulemi w’isaza, habw’okwegarurra Herodiya omukazi wa mugenzi we Firipo, kwongerra ha bikorwa ebindi ebibi Herodi ebi akaba akozere,
20 akakora na kinu: Akateeka Yohana omu nkomo.
21 Kandi abantu boona obu bakaba nibabatizibwa, Yesu na uwe yabatizibwa. Obu akaba naasaba, iguru lyakinguka,
22 omwoyo ogurukwera gwamusirimukaho guli omu kisisani eky’eriiba, n’iraka lyaruga omu iguru nirigamba liti: “Oli Mwana wange, ou ndukugonza; ou nsiimire.”
23 Yesu obu yatandikire omulimo gwe, akaba aine nk’emyaka 30, kandi abantu baateekerezaaga ngu akaba ali mutabaniwa Yusufu,mutabani wa Heri,
24 mutabani wa Matati,mutabani wa Levi,mutabani wa Mereki,mutabani wa Yanayi,mutabani wa Yusufu,
25 mutabani wa Matasiya,mutabani wa Amosi,mutabani wa Nahumu,mutabani wa Eseri,mutabani wa Nagai,
26 mutabani wa Maasi,mutabani wa Matasiyamutabani wa Semeini,mutabani wa Yoseka,mutabani wa Yoda,
27 mutabani wa Yoanani,mutabani wa Lesa,mutabani wa Zerubaberi,mutabani wa Saratiyeri,mutabani wa Neeri,
28 mutabani wa Mereki,mutabani wa Adi,mutabani wa Kosamu,mutabani wa Erimadamu,mutabani wa Era,
29 mutabani wa Yesu,mutabani wa Eryeza,mutabani wa Yolimu,mutabani wa Matati,mutabani wa Levi,
30 mutabani wa Simyoni,mutabani wa Yuda,mutabani wa Yusufu,mutabani wa Yonamu,mutabani wa Eryakimu,
31 mutabani wa Mereya,mutabani wa Mena,mutabani wa Matasa,mutabani wa Nasani,mutabani wa Daudi,
32 mutabani wa Yese,mutabani wa Obedi,mutabani wa Boazi,mutabani wa Salimoni,mutabani wa Nasooni,
33 mutabani wa Aminadabu,mutabani wa Alini,mutabani wa Hezironi,mutabani wa Perezi,mutabani wa Yuda,
34 mutabani wa Yakobo,mutabani wa Isaka,mutabani wa Iburahimu,mutabani wa Tera,mutabani wa Nahora,
35 mutabani wa Seruga,mutabani wa Leu,mutabani wa Peregi,mutabani wa Ebbere,mutabani wa Sera,
36 mutabani wa Kainani,mutabani wa Apakisaadi,mutabani wa Seemu,mutabani wa Nuha,mutabani wa Lameki,
37 mutabani wa Mesusela,mutabani wa Enoka,mutabani wa Yaleda,mutabani wa Maharaleri,mutabani wa Kainani,
38 mutabani wa Enosi,mutabani wa Seesi,mutabani wa Adamu,mutabani wa Ruhanga.
Obugambo Obuli Hansi
^ Rundi, “obusegu.”
^ Rundi, “mukole ebikorwa.”
^ Rundi, “embaizi, esooka.”
^ Rundi, “mutanyagaho omuntu weena sente.”
^ Rundi, “orw’okusegenya.”
^ Rundi, “lyahurro lye.”
